CDF Mara Nih An Konglam Ningcang Lo In A Chim Hna Cu Kan In Kawl Hna Lai Tiah An Thanh

CDF-Mara cathanh an chuah than!
1. CDF-Mara cu NUG, CNF, CJDC nih an hruaining tein SAC uknak a hramcah tiang doh dingin le mipi hna nunnak humhak dingin hriam a tlaimi phu kan si. SAC he i fonhin rian a tuantu le SAC uknak a cohlang tu vialte hna cungah NUG nih a neihmi phung ningin hmalak an si lai.

2. CDF-Mara hruaitu hna, CDF-Mara a cohlangtu hna i an min le an umnak vial te online cungah a tarlanghtu cu kan in hlat hna i a tu cu kan in tteih cang hna. Cucaah cu hna he aa pehtlaimi an chungkhar sahlawh rualchan an humhimnak kong ah kan i ceih lai lo.

3. Mara mipi hna nih Federal Democracy ngahnak dingah a cawlcang cuahmahmi CDF-Mara sinah i teltum ve cio dingin kan in sawm hna i CDF-Mara a dohkalhtu paoh tucu a herh ningin hma kan in lak hna lai.The Chin Post

Relchap>>>>>Zeitluk in dah state pakhat chungah hriamtlai hi lungrual a herh tihi kan theih tuk cang lai dah. Kan hawi shan ram khi zoh usih law hriamtlai phu tampi an um hna. Khikhi i bawm loin anmah le anmah an i kap i nihin tiang an i tu ko khih. Anmah ca thatnak pakhat zoh in an um cio hna caah ral an tei kho lo.

Shan state ralkap vialte khi anmah le anmah i rem hna sehlaw ttangrual in ralhrang hi do hna sehlaw Shanram ah kawlralkap pakhat hmanh an um ti hnga lo. An tei tuk hna hna i an ram chung khi anmah tein fawi tein an i uk kho hnga. Anmah le anmah an i kah peng le an i rem lo caah ralkap khi nihin tiang an tei hna lo i anmah le anmah tu an i phomh peng.

Hmun dang chim hau lo nihin kan chinram kan dirhmun hi zoh lo awk a tha hrimhrim lo. Chinram hi minung tlawmte kan si anin. peng kip rem lonak a tam taktak nak hmun a si. Politics in siseh biaknak hmanh ah kan i zum hna lo caah Association tampi kan dir hna hna i cu ticun kan um.

Dothlennak nih a kan phak i nihin ah arem lo mi hriamtlai kan tam taktak. Cathanh kip kan i chuah hnawh hna i CDF le CDF hmanh peng khat le pengkhat hmanh cu ticun kan um. Kan ral bik a si mi Min Aung Hlaing hi kan target a si kan philh deng cang. Chinram hi mirum le thil sunglawi chuahnak hmun rak siseh law hriamtlai kip kan tho hnga i kanmah le kanmah kan i phomh tuk cang hnga.

Shanram bantuk phun deng kan si cang. Nihin ah kan lung a fim lo a si ahcun ralkap hi tei hna hlah usih law chinmi hi miphun vaivuan kan si kho. Hmun kip ah sifah buin kan i then hna lai i kan tlau thluahmah lai. Nihin i i dawt caan le i rem caan, kan miphun nih ral kan tuk lio a si caah remnak ngan pi kan karlak ah a um a hau.

CDF min kan i sak mi ruang hmanh i remnak a um lomi miphun kan si hi ningzak taktak kan si ko. hmailei i kan zia kan thinh lo a si ahcun ralhrang hi fawi tein tei ding kan i ruah chan mi hi kan tei kho hna lai lo i sal ah kan thih tiang kan tang lan lai. Miphun lungrual nak zawn ah kan i fun tthup a hau cang. Cucu teinak lam pakhat kan neih mi a si. Crd..pa LianHc

Be the first to comment

Leave a Reply

Your email address will not be published.


*