CDF Hakha: Ralhrang Thimnak Tuah Timh Mi Ah A Bawm Chantu Cu Dan Kan In Dat Hna Lai, I Ralring Uh!
SAC Cozah Nih Thimnak Tuahtimh Mi Tlamtlin Ter Aa Zuam Mi Poah Dantat Dingin CDF-Hakha Council Nih Ralrin Pek
=================
SAC cozah nih thimnak tuah a timh mi chung cu a tlamtlin nak ding caah aa zaum mi poah a herh ning in dandat nak kan tuah lai tiah CDF-Hakha Council nih April 11 ah mipi sin ralrin peknak thawng an thanh.
‘2023 January 9 ah thawngthanh nak kan rak tuah cang bantuk in ralhrang cozah SAC nih tuah a timh mi thimnak caah tel kho lo dingin siseh, ram le miphun zawn ruat lo in mah Party nunnak le thatnak lawng a ruat i ralhrang cozah SAC do tlak nak caah an mah sin ah min cazin a pe mi Party poah cu nihin ni thok in do tla lo an lawng si lo in, ram le Miphun caah tih a nungmi ral an si cang i cu bantuk Party hna le thimnak zungah a tuan mi hna cu ralhrang ralkap le palik bantuk in an cungah tuan khawh a si cang tiah thawngthanh nak kan vun tuah”tiah CDF-Hakha nih ralrin peknak thawng an thanh.
#CDF-Hakha Council
Relchap>>>>Webula Khua Ralhraang Bomp Ruangah A Thi Mi Vui An si Cang.
+++++++++++++++++++++
Nizan suimilam 9:30 pm ah khan an ruak hi an vui hna.Webula khua ah Church Secretary tuan lio mi zong a thi mi ah ai tel.Cun, Webulah Baptist Khrihfabu i a ttuan mi Pastor Van Nuam Uk ih hringtu a nu le a nupi an i tel fawn.
AN ruak an phumnaak hna hi,Zatual khua ah hin ruak 4 an phun hna i,Webula ah hin ruak 5 an phum hna.CDM a tuahmi,Cawng Sayakyi Thawng Za Uk a nupi a thi ve i an fa thla 9 mi le a pasal a kal taak hna.
A tutan Webula khua ralhraang nih Bomp in a thah mi hna an min;
1. Rev.Saw Za Thang,
2. CDM tlawng sayakyi Thawng Za Uk,
3. Sayakyi nupi Daw Thian Sung,
4. Sayakyi ih fapa Salai Biak Hlei Ceu ( kum 12 ),
5. Pastor nupi CDM Sayamah Za Hnem Kim (Thla 9 mi naute a fehsan),
6. Nathan Hrin Sang,
7. Noah San Lian,
8. Saw Hlai Kim ,
9. CDM ralkap Chit Min Thu pawl an si.
Leave a Reply