CDF- Hakha Nih Mipi Ralrin Tein Um Uh Tiah An Thanh Hna

Hakha Mipi Ralring tein Thutdir ding in CDF-Hakha nih Thawngthanh

SAC ralhrang nih ttihphannak hmang in mipi uk an timh caah Hakha khuachung ah meithal le bomb kah thlorh in an kah tawn caah mipi ralring tein tthutdir ding in CDF-Hakha nih thawngthanhnak an tuah.

“Hakha khuachung kahdohnak a si khawh chung in hrial kan i zuam lai. Mipi ca ah ttihnung in cawlcangh a herh ahcun thawngthanhnak zong kan tuah lai,” tiah thawngthanhnak ah an langhter chih. The Chin Journal

Relchap: Sagaing PDF Bu 3 Fonh nih SAC Ralhrang an Den Hna

Nizaan Seprember 22, zaanlei sml. 4:00 hrawng ah Sagaing ramtthen, Pyinlaybu peng chung ah PDF bu 3 fonh nih SAC ralhrang an kah hna i ralhrang tampi an thih hnu ah saimahrang in an zaam dih hna.

SAC ralhrang bu no. 44 pawl cu Pyinlaybu peng, Naung-moe khuate in Wanbe-in khuate lei an kal lio, Moemit Tiva hlei cung ah PDF-Pyinlaybu, PDF-Kawlin le PDF-Wanthu nih an kah hna hi a si.

“A thimi SAC ralhrang lak ah major rank pakhat aa tel. Miruak cheukhat motor cung ah an khin i an zaampi hna. Asinain, acheu cu hlei tang tiva chung ah an hlonh ta hna,” tiah khuami pakhat nih a chim. SAC ralhrang pawl nih an tliktakmi ralhraim tampi zong PDF nih an lak khawh hna.The Chin Journal

Be the first to comment

Leave a Reply

Your email address will not be published.


*