CDF Caah Thawngchia; Ralhrang Nih Chinram CDF Cu Vanlawng In Kan Phomh Cang Hna Lai Tiah An Thanh

Vanlawng in kan rak in kah hna lai tiah ralkap nih CDF an tlerh hna

2022 August 18 – Vawlei ah ke in a kalmi ralkap pawl hmang in kahdohnak a tuahmi a tlamtling lo caah ralkap nih vanlawng bochannak in kahdohnak a tuah mi pawl kha hmuh khawh a si chin thluahmah. Falam le Mindat peng kahdohnak hna zongah vanlawng pawl hmang kahdohnak a rak tuah.


“Ral veve kan si ko nain pehtlaihnak kan tuah lengmang. Atu lio hrawng hi vanlawng in kan in kah hna lai tiah an kan tlerh lengmang” tiah CDF-Matupi ralkap nih Zalen ah a chim.
A hlan Matupi peng zongah vanlawng in zohfelnak tuah le ralkap mawṭaw pawl an himnak zong a lakpiak hna tiah a chim.The Chinland Post

Relchap>>>>>Pinlaybu kahdohnak ah SAC ralkap a thimi an tam, hriam tampi an chuh hna

2022 August 18 – Sagaing ramṭhen, Pinlaybu peng chungah a rak lutmi SAC ralkap le KIA, PDF phufonh hna karlak ah a cangmi kahdohnak chungah SAC ralkap lei in a thimi an tam i Lt. Sergeant pakhat a nung in tlaih a si lengah hriam tampi kan lak khawh tiah Pinlaybu PDF nih August 16 ah a thanh.

Kahdohnak hi August 14 zaanlei in August 15 zinglei tiah Pinlaybu peng Palutha le Saiyagyi khuate karlak ah a cangmi a si i thazang 100 hrawng a simi LIB 366 battalion he kahdohnak a chuah hi a si tiah theih a si.

Kahdohnak chungah SAC ralkap pawl nih an hriam hmanh pu kho ti loin an zaam i 60 MM 1, 40 MM 1, Motar kuan pawl, hriamhme 3, kuan 3,000, SAC ralkap eidin le raltuknak thilri pawl an lak khawh tiah theih a si.

Relchap>>>>>2022 August 18 – Myanmar ram ah mipi hna nih hman a tambik mi Facebook cu kan phih lai i Facebook aiawh ah adang Social Platform pakhat thiamsang pawl he kan ser lio a si tiah SAC biachimnak nawl a ngeitu Zaw Min Htun nih a chim.

Facebook cung in rampi buainak an chuahter tiah kan ruah caah atu bantuk in kan tuah hi a si tiah a chim. Culengah, Facebook in tangka a lut khomi fakthanh pawl zong kha an kham lai tiah a chim.

SAC hi Facebook nih hmunhma pek loin a thlak lengmang ruang, Myanmar ralkap nih Russia ram ah an va i zuammi raltuk cawnnak ah laksawng an co lio i Myanmar ram hla in an lawmhnak hna muicawl cu Facebook nih voi tampi a hloh tiah Zaw Min Htun nih a chim.

Facebook aiawh ah Social Platform pakhat cu SAC kuttang zung le thiamsang pawl nih an ser lio tiah a chim ko nain zeibantuk dah a si ti cu a chim lo.

SAC cu Facebook telh in Google le adang dang social platform nih an hnawh lengmang caah atu bantuk in an tuah hi a si.

 

Be the first to comment

Leave a Reply

Your email address will not be published.


*