CBCUSA nih Palewah ah harnak a tong cuahmahmi hna Chin miphun chuahchanhnak caah Tangka Tampi An Bawmh Lai!

CBCUSA nih Palewah ah harnak a tong cuahmahmi hna Chin miphun chuahchanhnak caah USD 200,000 thousands (Over 2.7 Billion Kyat) hman ding in biakhiahnak an tuah cang i July thla in riantuan hram thawk colh ding in an itimhnak kong cu, tulio GS a simi Rev. Dr. Thlaawrh Bawihrin nih a chim.

“Palewah harnak cu Chin Miphunpi harnak a si. Palewah harnak ahhin lungrual tein kan itel cio a herh. Hmunkhat ah ifawnh in miphun caah kan ttuan awk a si” tiah a chim chap.

CBCUSA nihhin atu Palewah kong lawng siloin a liam cia kum 12 ahkhan Mara tlang pam/famine zong ah Phaisa tampi an rak bawmh bal hna. Cun, Tedim ah meikang a tuarmi hna zong an rak bawmh bal fawn hna. 2015 lio ah Chin ram, a bik in Hakha a cim lio ahkhan USD ting 4 ($400,000) nak tam an rak bawmh bal rih hna.

CBCUSA hi Chin miphun caah suhtung bantuk in a kan dirpiakmi international organization a si. A chung ah Khribu/Churches 112 an um.

AA le kawl ralkap ikahnak ruang ah harnak a tong cuahmahmi hna kan Unau bawmchanh ding rian hma an dawmhmi cungah ka lawmh ngaingai hna. Pathian nih lam hruai chin ko hna seh. Ref: Zasang Cinzah!

 127 total views,  1 views today

This function has been disabled for Chin 11 News.