Canada Ralkap Pawl Helicopter In Greece Tikulh Ah An Tlau

NATO ralkap pawl training tuahnak ah ai tal ve mi Canada ralkap Helicopter pakhat ah a um mi hna cu an dihlak in Greek tikulh ah an tlau dih hna caah mi bawmhchan tu phu hna nih an kawl cuahmah hna lio a si tiah Canada ralbawi pakhat nih April 29 ah khan a chim.

Hi Canada ralkap helicopter a tlau ning hi HMCS Fredericton tinbaw cung ah a um um hmun a khuar mi an si hna i CH-148 thlichia nih faktuk in a den hna ruang ah traning an tuah nak hmun hi pehtlaih khawh an si ti hna lo, cu ruang ah an dirhmun zeidah an lawh ti le accident nak an ton ruang ah maw nihin tiang an rak chuah lo nak hi a si hnga ti hi theih a si lo caah  rescue operation pawl nih an kawl cuahmah ko hna tiah thawngthanh nak an tuah hi a si.

Canada ralkap helicopter hi Greece ramchung tikulh a si mi pakhat ah NATO ralkap pawl hna he training an tuah hi a si i cu traning an tuahnak hmun in mile 50 a hlat nak hmun leiah an kal caah Greece ramchung data nih an umnak hmunhma hi a tlaih khawh ti lo caah a si tiah Italy thawngzamh pakhat nih cun a langhter ve. Hi a tlau mi Helicopter chung ah hin Canada ralkap minung 6 zong an um hna i hi ralkap hi bochan mi le rinhchan ngai mi an si hna tiah zong an langhter.

Ref: DVB

 193 total views,  1 views today

This function has been disabled for Chin 11 News.