Canada Ah USA I Cangmi “Police Brutality” Dihternak Lam An Zawh Ve

Catialtu: Zasang Cinzah 

Canada zong ah USA i cangmi “Police brutality” dihternak le miphun thleidan dohnak thapeknak caah lam an zawh ve. Minung tampi an chuak. Amah belte Covid19 a karh lonak ding caah lamzawh a chuakmi paoh “self-isolation” nan ituah cio lai tiah an thanh hna.

“Police Brutality” dihter hi US ahcun a si kho ngai hnga maw tiah a ka ruahter ngai. Police Brutality cu, laiholh in Palek nih “hmual hmannak’ hi a si hnga. Palek nih hmual hmannak nawl an ngeihmi hi dih cang seh ti kha a si ko.

US Police Force” hi sal zuat chan lio- sal ah an zuatmi hna minak an zam lonak ding caah a vengtu in aa thawkmi an si tiah liberal news an von pehton tikah minak tampi thinlinh lo awk an ttha lo.

The National Academy of Sciences (NAS) nih an chuahmi Data ka zoh tikah Palek mual hmannak in #1″Minak” hi tambik an thi. 2# Spanish. #3 Mirang, cun 4# Asian. Asian mi hi a thi tlawmbik an si tiah an langhter.

US Police Force nih hma an lakning an ttialmi ka rel than tikah Palek ahhin miphun kip icawh dingin palek an lak/hire hna. Minak tam deuhnak ah minak deuh an chiah hna. Palek nih an nawlngeihnak ningcang loin an hman lonak ding caah uniform ah video camera an tlaih/tawnh hna. Palek lei zong in ningcang te in hmalak hi an izuam ngai ko ti a lang ve.

US ram ah Palek hi mual hmannak nawl an ngeihmi hi dihter viar hi a tak ah a cang kho ngai hnga maw ka tinak a ruang cu:- US ram chung ahhin Crime a tam tuk. Gangs an tam tuk. “War on Crime” hi an buaipi ngaimi issue a si. A von ichap rihmi ah Terrorist/Muslim ralhrang an um rih hawi. Cucaah, US phunghrampi ah fekthup in Second Amendment/ mizapi nih meithal/gun ngeihnak nawl a pek fawn. Cucaah, US ram chung ah Misual/Criminal/ Gangsters pawl le terrorist hna hi fully-arms/ hriamnam he an um ve tikah palek nih hmual hmanhnak nawl an ngei ve lo ahcun, thil harsa ngai a si ve tthan lai ka ti. Tulio ahhin US Police cu ralkap hriamnam bak an hmanter hna. Abik in SWAT team pawl cu biapi tak ah an chiah hna.

Cucaah, tulio BLM nih an aupimi US police Force caah de-fund/phaisa peklo le brutality/hmual hmanhnak nawl an ngeihmi dihter hi thil harsa taktak cu a si lai tiah ka ruah. Miphun thleidannak dihter ding an aupimi belte cu tha ka pek ngai. A dik ka ti.

Note: Zei thil paoh hi Pro le Con in an um caah kap 2 lengmang in zoh a herhnak tete ka von in share mi hna a si.

 166 total views,  1 views today

This function has been disabled for Chin 11 News.