CACC Minung A Sinain CACC Tining A Zul Duh Lo An In Ti?

Bialehnak: Bawi Zisuh Zing Sabat A buar ee tiah an rak ti ve.

CACC cafang fonh le na cafang fonh aa danmi hi, zeitin?

Um, CACC cauk te kha kaa phorh lo i a tam u cu ka kheng ko nain ka tlolh nak a tam ko lai. Hihi hin ti awk a si rua hnga ti in ka ruahning in ka tial i mah cu CACC phung he aa khat tawn lo. Khatlei ah le, kanmah CACC zong nih cun kan phung hi kan i zulh sek ko rua kan ti bu ah kan zul dih ve hoi lo. Biana ah, “ah” tim biafang cu noun le verb he aa chan ahcun komh lo a si lai ti a um.

Cu ning a si ahcun, chung hi noun a si i, ah le aa chan ahcun komh loin ‘chung ah’ tiah tial ding a si hnga. A sinain, CACC chuah mi ca tampi ah chungah , cungah, pawlah ti bantuk in aa komh dih fawn tung.

CACC tialning kan zulh ah a cauk phung kan buar, a cauk kan zul kan ti ah le kan zulhning aa dang dih hoi. Hihi ti tikah ca anam tu mawhchiat a si nemmam lo; anih cu a mawh lo. Kan catial phung tu chek a hau. A cauk hi phun adaw mi ule pale lawng lo mino zong itel in heh tiah caih le ser a si i, mah nak tha hi hmuh awk a um rih lo nain zulhhar phun in a um pah. Phung khattelei kan zulh tikah phung dang he a va ikalh i khattelei zulh lo ah a chuah.

Kan catial phung hi kan serka ti awk a si i soibeo si ding ah cun ruah a si lo. mah ti bu hin kan hman pah lai kan remh pah lai, a tha chin lengmang ko lai. Nan lung sau ko u.. Credit: I Tonnak Cauk