C.Ronaldo Nih Amah Pumpak Hotel Cu Siizung Caah A Hlut Hna Timi Kha Thawngpang Hmanlo A Si

Tulio ah a lar ngaingai mi thawngpang pakhat cu C.Ronaldo nih amah pumpak hotel cu Coronavirus a ngei mi hna caah caantawi zohkhenh nak caah a hlut hna timi hi a si i cu thawngpang cu a hmanlo mi a si tiah Hotel tuanvo ngeitu hna nih an chim.

C.Ronaldo nih hin Portugal ram ah a um mi amah pumpak Hotel pahnih chungin pakhat paohpaoh hi Coronavirus zawtnak a ngei mi hna caah zohkhen bultawl nak ding ah pek a timh hna tiin Spain thawngzamh Marca ah cun an rak langhter mi a si. Coronavirus zawtnak akarh ning hi a zualhma ngai cang caah vawlei cung huap in COVID-19 zawtnak a ngei cang mi hna hi minung 169610 an si cang hna i a thimi hi 6518 an si cang hna tiah an langhter.

Cun Portugal ram zong ah minung 245 nih zawtnak hrik an ngeih ve cang hi a si cu ruang ah thawngpang hmanlo pawl nih thawngzamh an tuah ve mi cu C.Ronaldo nih amah pumpak ngeih mi Hotel cu Coronavirus zawtnak a ngei mi hna bultawl nak le zohkhanh nak ah a hlut hna lai ti hi a si.

Hi kong he pehtlai in C.Ronaldo hotel ah rian a tuan mi hotel maneger pakhat nih a chim mi cu “C.Ronaldo nih hotel cu siizung caah a hlut hna lai ti mi thawngpang hi a hman lo mi a si. Kan nih cu hotel kan si ko caah hotel ning tein kan um peng ko lai, siizung ah a hlut hna timi kha a hman lo mi thawngpang a si” tiah RTL Nieuws media sinah a chim hi a si.

Ref: DVB

 150 total views,  1 views today

This function has been disabled for Chin 11 News.