Breaking: Thantlang Ah Palek Nuva Le Tlangval Pakhat Karlak Ah Khawnden Nak Tihnung An Tong

Thantlang Sianginn sang Thlanmual lampial zawn ah Tlangval no pakhat le Police pa le a nupi tiin cycle pahnak a cang. An mittlang a tlek veve i an hma zong a fak ngai. Tlangval no hi a cycle mei a um lo i Zu zong a ri ngaingai. Siizung ah thit ding kan ti hna nain an duh lo i Police pawl tu an aoh hna caah an hngah lio hna a si.

Hi thawngpang kan tial tiang ah hin a cunglei I kan langhter mi nak tamdeuh hi thawngtheih khawh mi zeihmanh a um rih lo. An min zong theih an si rih lo, cun palek pawl na hngah hna lio a si caah zeihmanh fiangfai in chim khawh mi a um rih lo.

Thawngpang fiang deuh le tlamtling deuh te in zulhdawi khawh kan I zuam cuahmah lio zong a si. Hibantuk in Xmas ni sunglawi lai ah khawnden nak fak hna an ton hi cu a poi tuk hringhran mi zong a si. Cu ruang ah a ho cio paoh nih ralring tein le lunfim tein um khawh zong I zuam cio hna usih.

Source: CBN