Yangon Taing, Insein thong adang te ichiah nak thongin pawngin “thongchung mipi ralkap hna nan thachia hlah uh” timi songbox he an ttem chihmi bomb cu tuni zinglei suimilaam 7 hrawngah Bomb pahnih a puak I hliamhma atuar mi an um le um lo kan thei rih lo tiah khuami hna sin in kan theih.
Yangon Oh-Mingaladon lampi, Insein thong a dangte in chiahmi inn pawngah song box in “ralkap pawl nan thachia hlah uh” timi aw thang taktak in an chuah, mah hnu ah cun mah song box pawngah cun bomb pahnih cu zinglei suimilaam 7 hrawngah ahmai he ahnu he a puak tiah theih asi.
Bomb in an ttemchih mi song box ah cun “thongchung um kan ralkap pawl nan thachia hlah uh, nan aunak kan theih ko, I dohnak adih rih loh. Kan mah zong kan doh cuahmah lio hna asi. Dam rak izuam uh, kan izuamnak, kan tuarnak vialte hmual a nei hrimhrim lai. ICJ hmanh a kal kho lo mi azaam mi ralhrang ralkap an si cang tiah an song box aw ah cun an chuah.
Cun, Mah kuttang ralkap hmanh a that mi ralhrang an si cang. Nan aunak aw vawlei pi nih a theih! Kan mipi hna dam izuam uh! Dohthlennak adih rih loh, pakhat le pakhat I zohkhenh hna uh. Pakhat le pakhat I bawmchan hna in I khamh hna uh. Dam I zuam uh. Dohthlennak kan tai hrimhrim lai. Ralhrang uknak tla/sung hna seh” timi au thong an chuah cu asi.KTM
Leave a Reply