Breaking News: US Laimi 2 Ti Ah An Paam Hoi

A poi tuk hringhran ko e. Tunai te ah thawng kant heih mi hi The Chin Voice nih an rak tial mi a si I cu cherhchan in ngaihchiat nak hrawmpi nak he kan rak lak chin mi zong a si. Hi kong he pehtlai in The Chin Voice nih an rak tial ning cu a tanglei bantuk in a si.

🗣 Indianapolis um Laimi pa 2: Hrang Chawn (Salen) le Van Cung Lian (Salen) cu Williams Dam timi White River (Indianapolis khua in meng 50 hrawng a hlatnak tiva) an tan lio ah a thuhnak lei ah a fenh hna i an hawile nih an hmuh ko hna nain an chanh kho hna lo tiah theih a si.

🗣 Palik an auh hna i atu hi an ruak an kawl lio si tiah kan theih. US Laimi ti ah a tla i a thimi kan tlawm ti lo. A poi tuk hringhran. Thawngfiang kan theih tikah tlamtling deuh in kan rak thanh ṭhan telai” tiin an rak tial.

Ngaihchiat nak kan in hrawmpi hna. Hi bantuk in mi ramdang ah thihnak ton hi cu lung a fak khun I ngaih a chia khun ko mu. Chungkhar cingla hna le khuami hna Pahtian tu nih hmen ko hna seh.

Ngaihchiatnak hrawmpi bu’in..

Source: The Chin Voice

 153 total views,  1 views today

This function has been disabled for Chin 11 News.