Tuzaan suimilam 9:30 in Hakha ah kahnak a chuak tiah thawng kan theih. Meithal thawng le bomb puah thawng a thang i, a tu 10:00pm tiah ah a dai hlei lo tiah khuami pakhat nih a chim. Meithal le bomb an puahnak ah inn chung um mi minung pakhat fak ngai in an hliam tiah a chim. Mah an hliam mipa hi inn chungah a um mi a si i fa pakhat a nei cang mi Pu, Phun Kung a si tiah a chim. A tuhi Meithal a puah tuk lio a si caah thawngfiang a thei dih kho lo.
An i kahnak hmun hi fiang tein theih a si lo nain, Vuanci zung in a si ko tiah kan ruah i kan palh theng lai lo, kan palh cem hmanh ah a pawngkam ah a si ko tiah a chim chap. September ni 4 zongah kahnak hi a chuah cang tiah a chim chap.
Nihin September 7 hi NUG nih D-Day aa thok cang tiah a thanh rualrual in Myanmar rampum huap ah kahdohnak thawng theih thluahmah a si.
Relchap:Kaya ramkulh (Kayinni) Demawhsu khua palik riahbuk cu Kayinni phu fonh nih doh in an lak khawh tiah khuachung thawngzamhnak nih an langhter.
Kayinni ramkulh Loikaw-Demawhsu lam thluan ah ralhrang phu hna le Kayinni phu fonh hna cu nihin September 7,zaanlei ah kahdohnak a chuak, DawPoeSi khua,Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.
Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i zaanlei suimilam 7:00 tiang pehtlai in kahdohnak a chuak tiah theih a si.#Khit Thit Media; TCP
Leave a Reply