Thlanglei laitlang Kanpalet khuachung ah CDF le Ralhrang karlak fakpi in tuzaan August 6 zaan ah kahnak a chuak tiah thawngtheih a si.Mah kahnak ah hin ralhrang nih Kanpalet khua cu Hriamngan in an kah thluahmah tiah theih a si. Thlanglei laitlang ko ah kahnak a fak i thinphang ngaingai a si cang ko.
Hi kahnak hi tuzaan Suimilam 9:00pm hrawngah a thawk tiah theih a si, voidang bantuk kahnak bantuk a si lo khuapi zong hriamngan in an van kah thluahmah tiah theih a si. Mah kahnak hi kawlram Magwa peng hmanh in an hriam hman mi thawng hi an theih tiah an chim. Mipi caah tihnung ngai a si ko tiah khuami nih an chim.
A tutiang ahcun CDF lei thi le hliam a tuar mi an um rih lo tiah theih a si , thlacamnak in bawm hram hna usih. A hnu thawngpang dawi khawh colh kan van i zuam lai.
Relchap: KyiMyinTaing peng, ShweOo sii dawr pawng le penguk zung pawng ah voikhat, Lapuatta dawr le penguk zung kar ah voikhat a puak i ai hliam mi pakhat cu siizung mawtaw nih a rak lak tiah sangmi pakhat nih a chim.Puah nak a dih hnu ah ralhrang pawl an rak rat caah zung pawng dawr hna cu an khar colh dih hna tiah kan theih.
Lanmataw khua a puak mi nih PK zung tlawm pal a puah hnawh i a rawk mi um tiah mi pakhat nih a chim.A puah hnu ah lam an khar hna i ralhrang mawtaw an rak phan tiah an chim. Lanmataw khua i a puak mi cu khawnden nak a um le um lo cu kan theih kho rih lo tiah sang mi nih an chim.Ref:RFA
Relchap: A ra lai mi thla 6 chung ah kawlram mipi 6.3 billion hrawng nih taam haal dirhmun in an um kho; Ram buai nak ruang ah le Covid-19 zawtnak chawnh ning a karh tuk lio ah rawl ei awk um lo tiang taam haal dirhmun in a um mi Kawlram chung mipi billion cu bawmhchanh ding ah a hlu hmuh mi cu tu hnu thla 6 ca tiang ah za lak tiang in a um ti lo tiah UN lei (WFP-World Food Programme) nih nihin August 6 ah ralrin pek nak a chim.
February 1 in ralhrang nih nawlngeihnak an lak ni thok in ramchung buaibai nak cu ton a si. Cu hnu ah Covid-19 zawtnak a karh tuk caah Kawlram chung taam haal ral in bawmhchanh khawh nak ding ah American dollar 86 billion a herh tiah WFP nih cathanh ah a langhter.
“Kawlram chung ah taam haal nak cu hmailei ah hinak fak chin in a karh kho ” tiah WFP in kawlram lei pehtlai mi director Stephan Anderson nih a chim.
Kawlram ah a ra lai mi thla 6 chung ah mipi 6.3 billion cu rawlei ding taam haal tuk dirhmun an phankho tiah WFP nih cun a thanh.February thla ralhrang nih nawlngaih nak an lak hlan ah kawlram mipi chung in 2.8 billion lawng nih rawlei awk har dirhmun in an rak um.TCP
Leave a Reply