Tuzaan lei suimilam 3:00pm hrawng in Thantlang ralhrang pawl cu an i chawk hna i, mi tlaih ding an kawl cuahmah caah, a herh tuk lo ahcun lengchuah i ralring hna usih. Khuachungah ralhrang an cawlcangh ning cu a cian ngaingai caah mipi nih ralrin thiam a herh tuk. Thantlang khua pawng ah CDF le ralhrang kahnak a chuah hnu in Thantlang khuapi ralhrang tampi an lut i an cia tuk cang tiah theih min langhter a duh lo mi pakhat nih a chim.
Relchap:anpetlet ah SAC ralkap do mi bomb U Ling Sui nih aa lamhsual, a ke tanpiak
Chin Ramkulh Kanpetlet ah SAC ralkap nih an hmanh/do mi bomb cu U Ling Sui (Rtd.Police) nih August 23 ah aa lamhsual i a ke an tanpiak tiah theih a si.
Kanpetlet Semankone Sang Aungyatana pura pawng ah umhmunkhuar mi SAC ralkap nih an do mi bomb a si i U Ling Sui hi Palek pension thlahlawh a va chuah i inn a tinlei ah bomb aa lamh hi a si.
“Pension thlahlawh a va chuah i inn a tin ah hin motor lampi in kal law tiah pawngkam nih an chimh ko. Nain a umkal tawnnak lam penpawk (Lai lam) in a kal i bomb aa lamhsual hi a si. Sang chung rumro bomb do le chiah hi cu a si te a si lo,” tiah khuami nih an chim.
U Ling Sui cu cuka hrawng SAC ralkap sii lei thiam mi le Kanpetlet RedCross nih an zohkhenh hnu ah Pakokku sii-inn ah an kalpi tiah theih a si.THT
Leave a Reply