Breaking News : Thantlang Khua Pawngah Thantlang-CDF Le Ralhrang An I Kap

Tuzing August 21, 2021 ah CDF Thantlang le Min Aung Hlaing ralhrang karlak ah kahnak fakpi a chuak than tiah theih a si. Zahan August 20 zongah Hakha le Thantlang karlak ah an i kap cang, kahdohnak hi a peh i, tuzing zongah kap hnih kahnak a chuak than. Thantlang khuami nih an chim ning ah cun kahdohnak a thawk hi Nihin zing suimilam 9:00 hrawngah an i kah hi a si tiah an chim.

An i kahnak hi Thantlang khua pawng a si caah an meithal puah thawng le an bomb puah thawng cu Thantlang khua chungin kan theih ko tiah an chim. Zahan an i kahnak ah hin ralhrang hi an tazaang a tam ngaingai tiah theih a si. A thimi le a hliam mi ti bantuk pawl zei hmanh hngalh a si rih lo. Kan miphun hriamtlai hna caah fakpi in thlacam bawm cio hna usih.Cre-Chin World News Evening

Relchap: Taliban ralhrang nih Afghanistan ram dihlak an lak hnu ni tlawmpal ah Afghan thlanglei i Taliban hmunhma pathum cu Afghanistan ralkap nih August 20, cawn ninga ni ah an lak than cang tiah theih a si. Hi an lak thanmi Taliban hmunhma hi Baghlan ramkulh chungah a ummi an si. Hi kong hi Taliban lei a simi Media cheukhat zong nih an tial len.

Hi hmunhma pathum lak thannak ah Afghanistan ralkap hruaitu Abdul Hamid nih a ralkap hna cu hmun dang zong lak dingin an chuak cang, a rauh hlanah Baghlan ramkulh dihlak kan lak than lai tiah an lak than cangmi hmunhma pakhat Andrab in video in thawngthanhnak a tuah.

An sunghmi hmunhma pathum lak than dingin Taliban ralkap zeimawt an kal cang tiah theih a si. Hi kongah Taliban chimnak nawlngeitu Zabihullah Mujahid nih zeihmanh chimthanhnak a ngei rih lo.

Ramdang ah a zammi President hlun Ashraf Ghani hruainak tangah Vice President-1 a simi Amrullah Saleh nih Taliban hna cu a chuahkehnak Panjshir ramkulh chungin a rauh hlanah ka chuah viar hna lai tiah a thanh hnu tlawmpal ah atu bantukin Afghanistan ralkap an cawlcangh thannak hi a si. President Ashraf Ghani ramdang ah a zam hnuah Afghan phunghrampi ningin innhngak cozah i president cu keimah hi ka si tiah Amrullah Saleh nih cun thanhnak a tuah. VOA

Be the first to comment

Leave a Reply

Your email address will not be published.


*