Breaking News: Share Cio Uh! Tuzing Ah Kalay In Motor 28 Chinram Ah An Rak Kai Ee
9 March, Kalaymyo in သံချပ်ကား pa 2 le motor ke hleihnih ngei mipi motor an chawsuai hramhram mi he tiah a dihlak 28 hna cu a tu hi Laitlang lei ah an kai lio.
A tu hi Theizang an phan cang.Kah dohnak a um colh kho cang caah a hohmanh ka lei khin khualtlawn, ramchuah tbk kal lo le tuah lo ding a si rih lai.Crd.. Salai William Hlawnceu
Relchap>>>>>>>CNA ralbawi Pu Solomon a thin hang kho tuk cang. A duh lo nihcun kan bawm hlah uh a ti bak ko cang
CNA ralbawi kum can saupi a tuan cangmi le Camp ah a um zungzal mi Pu Solomon nihcun kan hun Chinland Club i zoom biaruahnak ah a tang lei bantuk in a chim.
Tutan kan dothlennak le ral kan tuknak ahhin politic a kalpi i thinlung ruahnak tha lo a ngeimi nihcun kan bawm duh hlah uh tiah a chim.
CNA / CNF hi kum 35 kan kal cang. Policy tha tein a ngeimi kan si. Vision tha tein a ngeimi kan si. Nan kan soisel le nan kan thangchiat zong ah kan thi thluahmah ko hih. Hliam kan tuar thluahmah ko hih. Raltuknak ah nunnak liammi ahhin kan ralbawi an tam deuh. Ralbawi tintan hi kum 2/3 dawh kan kai cuh. Ral hmai ah an kal tiah a chim.
Ralhrang nih uknak a lak hnu ah raltuknak tamtuk a um. Mipi lei zong nih kan ralkap caah bawmhnak tampi pek a si. Cu lio ah cheukhat minung zeimaw nih zumh lonak tete a um i online ah an tial tawn. Cucu Pu Solomon nih lehnak a tuah mi a si lai tiah ruah a si.
Ralhrang nih uknak a lak hnu ah Kawlram chung hriamtlai ah Chin ralkap CNA le CDF cu ralhrang nih a tih bik mi le a doh ai harh bikmi an si cang.
Leave a Reply