A tunaite ah Sep 4 , ah Hakha le thantlang karlak ah a kal mi ralhrang pawl cu minung 80 hrawng hmuh an si I, cu hnu tlawmpal ah cun, meithal kah thawng le bomb lian mi puah thawng cu fak pi in a thang tiah khua mi nih an chim.
Mah rung ah hin zumh a si mi cu CDF he an I kap theu lai tiah zumh asi. chinlang Guardian. The thantlang times zong nih mipi hna cu ralrin nak bia he Thantlang le Hakha kar lak ah khual tlawn rih lo ding in ca a tial ve.
Relchap:Relchap:September 3 zaan suimilam 8 ah KNDO le DKBA fonh in Karen ramkulh Myawady, Sukalih peng Sukalih le Wawlei lamton ah a um ralhrangbu Ukarihthah (အူးကရိထ) riahbuk cu an lak hnuah mei in an khangh dih tiah theih a si.
Hika hrawng Karen hriamtlaibu pahnih Karen National Defence Organization (KNDO) le Major Saw Kyaw Thet hruaimi Damocratic Karen Budhist Army (buchuah) hna an cawlcanghnak hmun a si. Karen thawngthanhnak pakhat nih a chim ningah KNDO le DKBA fonh in ralhrang riahbuk an lak, mei in an khangh dih. Thi le hliam mi zeihmanh kan theih rih lo tiah a chim.
Ralhrangbu nih Karen ramchungah cawlcanghnak tam deuh an tuah ruangah i kahnak zong a chuak pah lengmang. September 2 ah KNU/KNLA ramchung Dwelo peng, Lutaw peng le Buto pengah kahdohnak a chuak.
September 2 ah KNLA le ralhrangbu i kahnak ah ralhrang 6 an thi, 4 hma an pu. Dwelo peng an i kah hnuah ralhrang bohmu Lin Htet Soe hruaimi khah-lah-yah 97 nih Watolaw khuachungah hriamngan lung 5 an kah tiah Kawhtoolei special force nih a chim.
Nizaan September 3 zaan ah ralhrang le KNLA brigade 1 hna fak ngaiin an i kap than i, ralhrang 3 an thi, 5 hman an pu tiah KIC nih a tial.KNLA brigade 6 chung zong nizaan ah hmun 3 ah an i kap. Kaphnih in thazaang an i chap cuahmah tiah theih a si.Ref; KMT; TCP
Leave a Reply