Kachinram Voimaw Khuapi covid-19 Quarantine center pawng Mahnaw culture cu ralhrang pawl nih Bomb le hriamngan in an kah caah midam lo pawl thingpang thlalau in an um hna.
Mahnaw Culture tualrawn ah le Quarantine center a um fawn. Mi dam lo cheukhat cu bomb thawng le meithal thawng an tih tuk caah ihkhun tang ah an i thup hna.micheu cu Oxygen dur phen ah an i thup hna, khualeng i chuak i zaam ah cun , cu ka hrawng cu ralkap nih an kulh dih caah lungrethei in an um hna.
Tuzaan suimilam 8 hrawngah hika hmun hi an kah i, KIA ralkap umnak zong a si lo ti an hngalh ko nain an an kah hram. Mipi nih tuar hrimhrim hna seh an ti caah an kah hram mi a si tiah a hmun um mi , mi pakhat nih a chim.Chin knowledge Media
Relchap:Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak kong he pehtlaih in ramdang palai hna kan au lai hna i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.
Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo.
Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.
Ralhrangbu nih kan hnu cozah lutlai hna hremnak kan pek mi hna hi ramkhel kong a si lo, phung an buar ruangah kan hremmi hna a si. Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim.TCP
Leave a Reply