Breaking News: Pu Robin Cu A Sung Ruangmang Ve Cang, Pu Ngun Vung Nih A Tei Diam Ai

Nizan tlaihnu tiang ah khan cun vote an rak rel khawh tawk ah khan CNLD in Pu Robin nih teinak a hmu tiah thawngzamh tampi hna nih an rak langhter cang. Asinain vote kha an rak rel dih hlan a si, tuzing ah khua 4  nih vote an thlak mi an rel than hnu ah Pu Robin cu Pu Ngun Vung a tei hi a si.

Hakha Times Daily Newspaper nih an tial ning ah cun “Hakha Peng Amyotha Hluttaw No.12 ah NLD in Pu Ngun Vung nih CNLD in Pu Robin cu mee 65 in a tei cang. U Ngun Vung(NLD) – 7515, U Robin (CNLD) -7450” tiin an rak tial ning a si.

Cun The Hakha Post zong nih hi ti hin an rak tial ve “Hakha Peng Amyotha No. 12 ah CNLD in aa zuam mi Pu Robin cu NLD in aa zuam mi Pu Ngun Vung nih mee 65 in a tei. Hakha Peng hmun nga ah NLD nih hmun 4 a laak”.

DVC nih an tial ning ah hin a fiang khun lai “Hakha Peng Amyotha Hluttaw No 12 ah Pu Ngun Vung nih Pu Robin a tei Pu Robin nih a tei, tiah thawng an thanh cang nain khua 4 a rak taang mi a um.

Cu khua 4 a taang mi ah Pu Ngun Vung nih a tei ca ah Amyotha Hluttaw No. 12 cu Pu Ngun Vung nih a co, tiah NLD tuanvo ngeitu hna sin in thawng kan theih”.