Breaking News: Pi Noami Lian Cu CDM Ah I Tel Dingin Chin Oo Sii Mino Bu Sin Ah A Chim!

Hakha Chin Oo Sii sang khuasa Pi Noami Lian nih Zung kai ti lo ding in le CDM ah i tel ding in Chin Oo Sii Mino Bu sin ah a chim ca ah a cung ah lunglawmhnak tampi kan ngei.

Cucaah, Social Media, Media hna le pumpak facebook page ah Noami Lian konglam nan tar mi vialte nan rak delete than colh naklai upatnak he kan in nawl hna.

#Biakilh: Naomi Lian hi CDM he aa pehtlai mi thawngpang pawl Palek le Ralkap a thli in a thanhtu a si.A ngol lo i a thanh rih ahcun Chin Oo Sii Mino Bu nih tuanvo kan lak lai, an rak ti mi a si nain atu ahcun CDM ah cawlcangh aa tim than, tiah kan theih. 2021 March 1 #Ref: Oo Sii Mino Bu (fb page) 

Thawngpang Dang Rel chih Ding: Mytel Phaisa Miak Khoika Dah A Kal? Mytel cu Laitlang ah mi tampi nih SIM card le wifi in kan hman. Ralkap ta a si zong kan hngalh fawn. Nifatin bill na rawn mi, wifi man na pek mi khi an phaisa cazin a chektu an um lo. Cu ca ah ralbawi pawl nih an firtleinak ca ah a ṭha bik lam pakhat a si.

Mytel phaisa miak hi ralkap nih hriam cawknak ah a bawmh hna tiah zumh a si. Cuti a si ahcun kan thau in an kan kio khi a si ko cuh. Mytel hi 49% cu Viettle nih a ngeih i 51% hi ralkap ngeih mi telecom company a si i, MEHL tang um a si. Star High (MEHL tang ah a um) i Shares paohpaoh cu a tulio ralbawi pawl nih an ngeih dih mi a si.

Mytel phaisa hram ah a herh mi hi US$1.7 billion lengkai a si tiah an ruahdamh. Hi chung ah Vietnam nih $860 million phaisa hram a phum. 2019 kum ahkhan Vietnam nih $163 million hram a phum ti a si. Kawlram cozah lei nih $840 million hrambunh ding a si an ti nain zei awka a chuak tilo.

Crony comoany 11 nih an phum mi $40 million lawng a si. Kawl ram cozah nih $800 million hi hrambunh piak ding phunphai in a um cang. Hi tluk in mipi nih telecommunication ca ah ngunkhuai kan pek i kan cawm mi le cozah ai hngatchan mi company hi cozah ta a si awk te a si nain ralkap nih private company a si tiah an ti diam ko.

Than Shwe cozah chan ahkhan cozah nih telecom rian paohpaoh cu a kut in a rak hum dih ruangah SIM card pakhat cu dollar $7000 tiang a rak phan bal. Hi ruang ah a tu ralkap zong nih hin telecom rianṭuannak hi hum an duh ve nak a si.

Cu ca ah ralkap kan doh, CDM kan tuah vekvek ahcun Mytel hi a hman hrim hman tilo ding a si cang. Pehpar: Justice for Myanmar nih kan hnukum ah an ṭial mi cahmai 161 um document cu na rel huam ahcun [ http://ow.ly/NXsC50DLmnt] hika hin rel khawh.

#CivilDisobedienceMovement #WarCrimes #Myanmar #CrimesAgainstHumanity #MyanmarCoup #BoycottMytel #JusticeForMyanmar #JFM ṭial mi Laica in ka hun leh i, pehtonh chap mi ka hun pehtonh mi a si. Credit: Salai Tial Hram Ling