Breaking News: Paletwa Myoh Chung Ah A Um Mi Myanmar Economic Bank Cung Ah Bomb A Tlak Ruang Ah Minung Pathum An Thi Cawlh

Nihin zanlei sml. 5:00 hrawng ah Paletwa ah a ummi Myanmar Economic Bank cung ah bomb a tla i Bank rianttuantu nu telh in ngakchia pahnih an nunnak a liam, taih theih a si.

A nunnak a liammi hi Bank cazi nu Daw Nwe Nwe le ngakchia pahnih an si. Ahote kahmi bomb dah a si timi fiang in theih a si lo.

Nihin zinglei sml. 9:00 hrawng zong ah Paletwa peng, Miza khuathar pawng ah bomb a tla ve i nu pakhat a nunnak a liam.

Miza khuathar pawng dum chung ah kum 40 a simi daw Than Than Win cu mehmoi a ttawh lio ah ruah lo piin dum chung ah bomb a rak tla i a nunnak a liam hi a si.

Paletwa he aa naih tuknak kiangkap atulio hi kahdohnak a fah tuk lio a si. Thawngpang fiang theih chap ding in Paletwa ummi pawl ka pehtlaih hna lio a si.

Ref: The Chin journey; Chin-Media

 126 total views,  1 views today

This function has been disabled for Chin 11 News.