Breaking News: Pakistan Ah Minung 107 A Phur Tu Vanlawng Accident A Tong

A Pakistan International Airlines (PIA) cu tunai teah khan Jinnah International Airport ah a tum lai te minute tlawmpal te a duh ah accident nak an tong tiah theih a si. Hi vanlawng hi Lahore in Karachi lei ah a kal lio mi a si i Jinnah International Airport ah a tum lai teah hi bantuk in accident nak an ton hi a si tiah Pakistan report nih an langhter ning a si.

“hi vanlawng hi Karachi ah accident nak a tong mi a si. Kan theih khawh tawk ah cun passengers i 99 an si i vanlawng cung riantuan tu minung 8 an si” tiah spokesman Abdul Sattar nih cun a chim. Hi vanlawng cung ah a um mi hna pawl hi Muslim holiday Eid al-Fitr puai ah a kal mi hna pawl an si hna i an umnak khua cio ah tlun a tim mi pawl an si hna tiah an langhter.

A tutiang rih ah cun a thi mi hi hngalh khawh a si rih lo, an zumh ning ah cun an dihlak zong in a thi kho an si tiah an langhter chap. Hi vanlawng a tlak nak hmun hi Airport an phak lai te a si caah inn cung ah a tlak hi a si caah vanlawng cung ah a um mi hna cu an thi dih ko lai tiah zong spokesman Abdul SattarĀ  nih cuna chim hi a si.

 134 total views,  2 views today

This function has been disabled for Chin 11 News.