Breaking News: Minung 191 A Phurtu Vanlawng Accident Nak A Tong, A Thi Mi Le Hliamtuar An Tam Ko

South India, Kerela ah nizan (Friday) ah khan khualtlawng vanlawng pakhat cu vanlawng tualchung a rak tum lio ah a tluk caah vanlawng cu thenhnih ah a kiak i fak ngai in accident nak a ton ruang ah a thi mi hi 17 an hmuh cang hna i minung 100 hrawng nih hin hliamhma fakngai zong an tuar hna tiah theih a si.

Hi vanlawng hi Dubai ah covid-19 ruang i hren khumh a si mi hna pawl a rak phur tu hna Air India Express a si i Kerela ah a um mi Kozhikode vanlawng tual (Airport) ah a rak tum mi a si. Nizan (Friday) kha faktuk in ruah a sur mi ruang ah hi vanlawng hi a rak tum lei in lamcung a tlik cuahmah lio ah accident nak an ton hi a si. Hi vanlawng chung ah hin minung 191 an um hna i a thi mi hna lakah hin Pilot pahnih zong an i tel ve tiah theih a si.

Cun a thi mi hna lakah thla 10 hngakchia le kum 1 le cheu hngakchia zong an i tal ve tiah an langhter. Hliamhma a tuar mi hna chung in minung 5 hi cu an zualhma ngai hna caah siizung lei nih ruahchan nak an um tuk lemlo tiah an langhter ve.

Hi vanlawng hi tluangtlam tein a tum khawh nak hnga ding ah voihnih tiang a hneksak ko nain faktuk in ruah a sur mi ruang ah vanlawng tual chung hi tilu nih a khuh tuk ve i cu ruang ah vanlawng a dir ter hlan i a tlik lio ah accident nak a tonnak zong hi a si. Vanlawng hi a lai bak in a kiak i cheuhnih ah ai cheu, cun a kiak mi cu a hei choi than i kahcham an cawh mi chung ah a tlak chih mi ruang ah cu kahcham chung ah cun a thi mi an rak tam khun nak zong cu a si tiah an langhter.

 238 total views,  1 views today

This function has been disabled for Chin 11 News.