Breaking News: Mindat Peng Khuate Ah Kahdohnak A Chuak Kho Cang Tiah CDF Mindat Nih An Thanh

Mindat Pengchung Khuate Lei Ah Kahdohnak A Chuak Kho, Tiah CDF-Mindat Nih An Thanh!

July 26, 2022 ah SAC ralkap hna cu Mindat khuachung ah lut in khuami pakhat sui fangnga tlai le phaisa sing 15 an laak piak leng ah a zuatmi Meheh pakhat an thah, tiah theih a si. Culio ah July 27 zaan suimilam 10:00 hrawng khan Mindat peng cheukhat khua ah cun phone line hman khawh ṭhan a si cang, tiah theih a si. Cupinah Nizan zaanlei suimilam 4:30 hrawng ah Mindat khua tlanghrawn ah drone pakhat suimilam pakhat hrawng aa hel, tiah theih a si.

Nihin July 28, zinglei suimilam 10:25 hrawng ah SAC ralkap 100 leng cu Yeshin(ရေရှင်) khua ah lut in chekhlatnak an tuah caah tualchung mizapi hna cu Mindat – Kyaukhtu lampi hmang rih lo ding in CDF-Mindat nih thawngthanhnak an tuah.

SAC ralkap hna nih Mindat pengchung khuate lei ah drone zeimawzat thlah in hlathlainak an tuah caah ruahlopi in khuate lei ah kahdohnak a chuak kho. Cucaah mizapi cu ralring te i um cio ding ah CDF-Mindat nih ralrin peknak le theihternak cathanh an chuah.Crd.. The Chin Post

Relchap>>>>>Tunai te ahkhan kan upa nih fiang tein a chim mi cu Khuahringtlaang le hmundang ralzaam pawl cu bawmhnak an hmu lo caah Zahnaktlaang Bungkhua ah kan i thial ve lai tiah a chim. Ziah caan sau nawn pei nan um cang hi um lawlaw ko uh! khi ka cu mithar nan va si lai i nan i nuam lai lo tiah ka ti.

Bungkhua cu hika lei bantuk a si lo. Bawmhnak facang le thlakhat ah Ks.30,000 an pek hna i kan i thial a hau ko lai. Bawmhnak umnak hmun ahcun kan hna a ngam deuh lai tiah a chim. Ziah thantlang peng nih bawmh mi phaisa a si hnga lo maw! Hmun dang bawmhnak tampi um tung i a cheukhat khua ah bawmhnak a um lomi hi mizaei dah a tawlrel tu hi an si hnga tiah ka ruat. Hmundang kong cu ka hngal ve lo, Zahnaktlaang le Vanzangtlaang hrawng Khualhringtlang hrawng cu hihi kan si ko rua.

Mah kong hi A tu lio Bungkhua ah a thial mipa bak nih a ka in a chim mi a si caah Vanzaang tlaang tibantuk le Khualhringtlaang tibantuk hi kha bantuk bawmhnak a um rua lo caah Zahnak tlaang Bungkhua an fuh panh pah cuahmah ko hna. Hihi zaangfah tein Thantlangpeng kan pa le ramchung ralzaam tawlrel tu phu nih kan ruah piak hram ulaw tiah kan nawl hna. Mah hihi Ral a zaam bak mi kanpa pakhat nih a chim mi a si caah ka zumh ko, ka palh nak le ka fian lo mi a um sual ahcun ngaihthiam kan hal hna. …Laknak.. Ref Iang Iang Tl

Be the first to comment

Leave a Reply

Your email address will not be published.


*