T zinglei september 10 i kahnak thawngpang UPDATE : Tu zinglei khan Thantlang, Lungler khua ah CDF le ralhrang kar ah i kahnak fak tak tak a chuak than. Hi i kahnak hi tu zinglei suimilam 5:30 in chuak mi a si. I kahnak Update cu hi bantuk hin a si.
A tu tiang ah Meithal puah thawng a thang cuahmah rih. CDF leiin minung pa5 nih hliam an tuar. Cun mipi leiin pakhat nih hliam a tuar fawn. Khawh lak bomb puahnak in Methodist Church cu a rawk dih tiah theih a si fawn. A tu rih ahcun hi tiang hi Update kan theih khawh mi a si. Update van tuah kan i zuam than te lai.
Source : TTP
Relchap; Tanintharyi ramthen ,Dawei pengkokh Thayet Chuang peng, Taung Pyauk khua ah ralhrang le TYC – PDF hna kar ah September 7 ni lawng ah kahdoh nak 3 a um i ralhrang lei in minung 6 an thi minung 3 an hliam hna.
Kahdohnak chung ah PDF lei in athi mi le a hliam mi an um lo tiah Dawei mipi veng tu a hawikom ralkap phu DPDA nih a thanh. Kahdohnak hmun khuami inn pakhat cu mei in an khangh i Tangka ting 12 le facang tun hna an i lak tiah an chim.
Sualnak ngei lo khuami 8 cu an tlaih hna i pakhat tu cu an thlah than tiah an thanh. Dawei mipi vengtu a funtom mi bu (DPDA) phu cu (ေဒါင္းမင္းစစ္ဆင္ေရးအဖြဲ႕)tel in a hawikom mi PDF phu 9 a fonh mi mipi vengtu ralkap an si. Taung Pyauk (ေတာင္ေပ်ာက္) khua kahdohnak kong ah ralhrang lei in thawngthanhnak an tuah mi um rih lo.TCP
Leave a Reply