Breaking News ; Laitlang Ah Ralhrang Helicopter A Kai

Nihin August 25,2021 Kalaymyo in ralhrang Helicopter laitlang lei ah chunhnu suimilam 1:30 ah a thawh tiah theih a si. Falam Bank ah palek tampi an phan cang, Bank an khar dih tiah theih a si. Tuzing ka 11:30 ah Tidim Bank hngaktu palek 3 an thah hna.Zalen

Relchap: Atu ah D-Day bantukin thawng an chuahter,anmah lei nih kahdohnak ah kahdoh ning lam an sial, ralhrang phu hna nih lam an sial ning ah anmah lawng si lo in BGF phu hna hmang in Kayin anmah le mah kahdohnak phun an ser

(KNU) kuttang brigade cheukhat hna hmunhma ah ralhrang phu hna nih cawlcanghnak fak deuh in an tuah caah atu lio ah kahdohnak pehtlai in a chuak.

Brigade 5 hmunhma KNU Mutaw(Phapun) pengkomh biachimnak nawlngeitu Pa Do Man Man (ပဒိုမန္းမန္း) nih vawlei ah a cang mi thil sining fiang tein a chim kho rih lo nain atu ah ralhrang phu chungtel hna cu brigade 5 ah raltuk nak ding ah a hlankanh in timhtuahnak an ngei, ralhrang minung thazaang an chap tiah a chim.

Cu biachim tu nih cun” atu hi D-Day tiah thawngpang a chuak mi hi, anmah lei in kahdohnak ding caah kahdoh ning cang lam an chiah, cu an thil tuah mi kong ah anmah ralhrang phu lawng si lo in BGF hna cu au in Kayin miphun anmah le mah an i kap ti phun in lam an sial” tiah a chim.

Brigade 5 cu mipi vengtu ralkap (PDF) phu hna le ralhrang uknak duh lo cawlcanghnak ah a tel mi (CDM) lut mi hna cu dornak an pek hna caah ralhrang phu hna nih kahdoh ding in timhtuah nak an ngeih hi a si tiah Pa Do Man Man(ပဒိုမန္းမန္း) nih cun a chim.

Ralhrang phu hna le Kayin ramkulh ramri hngak (BGF) phu hna nih August 24 zinglei ah Kayin ramkulh,Phapun pengkomh chungah ralhrang minung thazaang chap nak an tuah,
BGF phu hna nih Metawoa(မဲသေဝါ) khua lei ah phan in KNU brigade 5 hmunhma lei ah an kal tiah Kayin thawngzamhnak pakhat si mi Salween Press nih a langhter.

KNLA ralbawi Buchohgyi Saw Jaw Ni lei le Kayin an mah le mah kar kahdohnak a um lo nak ding ah biaruah nak a um caah BGF lei nih KNU le kahdohnak a um lo tiah Buhmu Saw Tin Win nih a chim. BGF lei nih KNU he kahdohnak a um lo tiah an chim nain KNU brigade 5 hmunhma lei ah BGF phu hna an luh a si ahcun kan i runven lai tiah an chim.

Be the first to comment

Leave a Reply

Your email address will not be published.


*