BREAKING NEWS! Laipa Nam An Sawhmi Kongah Thawngpang Fiang!

Note: Hi thawngpang hi ka theih ahhin ka lau ngaingai!  Ka lung a fak ngaingai i, ka thin zong a hung ngaingai. Hmanthlak hi hngakchia an nam in a ahnak hmanthlak fiang ngaingai mi a um! Asianin Facebook Policy nih a sian lo caah Victor Lalrinchhana timi Facebook ah hmanthlak hi hal khawh asi lai! Hmanthlak a fiangmi a duh cun rak hal te ko uh.

Miphun hawi le hna,

Midland Chin Immanuel Church chungtel asimi Pu Bawi Cung le a chungkhar hna cu tuzan lei 7:32 pm ah Sam Club thil cawk awk an kawl cuahmah lio miphun dang a min Jose Gomez kum 19, nih ruah loin namte in a sawh hna I fak taktak in hliam an tuar tu Midland Memorial Hospital ah chiah an si.

Nam in a sawh hna hi miphun sinak ruangah asi tiah Pu Bawi Cung nih a chim, coronavirus hi nanmah ruangah asi tiah ati. Pu Bawi Cung hi a hmaiah namte sawhnak faktuk lo a um. Cun a fapa hniang Samuel Van Dawt Cung hi a kengah namte sawhnak hliam a tuar ve. Cun a fapa upa deuh Robert Uk Lian Bawi hi namte sawhnak a mitsir in a hnakhaw tlanglak a hnulei tiang fak taktak in hliam a tuar.

Namte in a sawhtu cu Police nih an tlaih cang, cun Sam Club riantuantu zong a chanhnak hna ah fak taktakin hliam a tuar caah siizung zong a phan ve.

Mah hi ca ka tial lio ahhin Robert Uk Lian Bawi ti lo cu an thitpiak cang hna I law kho dirhmun asi. U le nau hna thlacamnak in rak kan bawm cio u.Kan umkal tikah ralrin tein umkal izuam hna usih…

Steven Van Bawi UK

Midland, TX

 311 total views,  1 views today

This function has been disabled for Chin 11 News.