Breaking News: Halkha Hausang Va Ah Mithi Ruak An Char

A poi taktak si. Hakha khuapi chung Khuahlun le ah a um mi Hausang tiva rek te ah tunai te ah khan mithi ruak pakhat cu an char. Hi a thi mi hi a min le a umnak theih le hngalh a si rih lo. Hakha khuahlun mino nih a ruak tawlrel ding I tuanvo an lak lai tiah The Hakha Post live an thlah nak ah cun an chim  ning a si.

Mithi ruak an hmuh nak hi Hausang va a hlan Hakha khuahlun HKBC biakinn a rawk mi thlang, Haithlan lei kal nak ah khan a si an hmuh hi a si. Ruak an hmuh hi 10/9/2020 zanlei suimilam 2: 00 tluk ah khan pu Nel Thang nih a hmuh mi a si tiah an The Hakha Post Live ah cun an chim ning a si.

Cun ruak an hmuh mi hi a rimchia pah ngai cang mi zong a si caah a thihnak hi a rak sau pah cang lai tiah zong zumh a si. Cun ruak an char mi hi ‘pa’ a si I kum 32 hrawng a si theo lai tiah zong an ruahdamh ning a si.

Cun a ruak hi Hakha khuahlun thlanmual ah an vui lai tiah an chim. Zeitin dah a thih ning a si ti le a min, a khua le  a umnak cu hi thawngpang kan rak tial tiang ah hin cun zeihmanh thawngtheih mi le biafiang a um rih lo.

Note: Hi thawngpang hi The Hakha Post nih Live an thlahmi cherhchan in kan rak tial mi a si.