Hakha khuachung ah bomb tel in meithal thawng pehtlai in a thang than; September 7, Hakha khuachung ah bomh tel in meithal thawng pehtlai in atu hi (Sept.7, 9:50 PM) a thang than tiah kan theih.
“September 4 zaan lio bantuk khan Hakha khuachung ah meithal puah thawng a thang than. Kan innpawng cio ah a puak mi alo. Sangkip in puah thawng kan theih hoi ko,” tiah Hakha Sang thum in Sangmi nih The Hakha Times ah an chim.
Nihin September 7 hi NUG nih D-Day aa thok cang tiah a thanh rualrual in Myanmar rampum huap ah kahdohnak thawng theih thluahmah a si.
Relchap:Nihin September ni 7.2021 ah palaw PDF pawl tleidingin a ra mi SAC ralhrang hna lakah Rank a sang ngai mi ralbawi hna lak ah minung pa 4 an thi minung pa 30 nih hliamfak tuk an hmu tiah Myanamar Daily News nih a tar.
Palaw khhupi ah a ummi KNU tatmaha 4 hna an kahdoh nak hna ah ralbawi pa4 thi in a dang minung 30 nih hliam an tuar caah SAC ralhrang hna cu an zam dih.
Palaw khhupi mino tampi an i telnak Palaw PDF mino rak tleih i a rak ra mi SAC ralhrang hna cu tu zing suimilam pa7 in a i thawk i tatmaha 4 tatzin 7 tatkuai 2 hna cu an kulh chawlh hna i an hrocher hna asi nain BuKyi zawtun nih a hruai mi KNU tahama 4 i tintan a kai mi PAlaw PDF he cun zinglei pa 8 ah i kah hram an thawk.
Tuni ah vawi 13 tiang i kahnak a chuah hnu ah zanlei suimilam pa 6:oopm ah ralhrang hna cu hnungtawlh in i kahnak an ngawl hi asi tiah Myanmar Daily News nih cun a tar.
Leave a Reply