Breaking News: Hakha Ah Fa Pali A Ngei Mi Hringtu Nu Pakhat Hri-Awk In A Nunnak A Liam

Ngaih a chia khun ko, a pasal le a fale pali kong ruah ah hin cun celh ding cu a si ve hrim lo. Hakha khuapi chung, dawr hlun ah a um mi Daw Hniang Chin Par cu March 2, zanlei suimilam 5 le cheu hrawng ah kha  an ummnak inn chung ah hri-awk nak in a nunnak a liam tiah theih a si.

Hi kong he pehtlai in a pute nih a chim mi cu “zeiruang ahdah hri-awk in a thih ti hi kan ruah tik ah a ruang zong kan theih khawh mi a um lo, chungkhar ah hmurka tha tein kan i chawn ko hna pawngkam le hawikom he i remlo nak zong a ngei mi a si lo.

Hri-awk nakin a nunnak a liam hlan ah hin keimah he zong tha tein kan i chawnbia ko. Chikhat lungchuak mi ruang ah a si ko” tiah zong a chim mi a si. Hi a thi mi nu hi fa pali a ngei mi a si i a vapa hi mawtaw a mong lio mi a si tiah zong theih a si. “Fa pali a ngei cang mi a si i upa bik hi taangkua a kai lio, a changtu hi taang nga a kai lio, pathum nak hi taang thum a kai lio i a hniang bik hi mucu a kai lio mi a si. Cun a vapa hi mawtaw mong a si” tiah zong a pute nih cun a chim hi a si.

Hniang Chin Par ruak hi Hakha siizung ah an chek dih hnu ah nizan March 3, suimilam 2 le cheu ah khan ruakvui a si. Kan hnu kum chung ah khan cun Hakha chung ah hin hri-awk in a thi mi zong ah rak tam ngai nain tukum chung ah cun a voikhat nak a si.

Ref: chinworld

 551 total views,  2 views today

This function has been disabled for Chin 11 News.