Hakha ah kahnak a chuak nolh i thawngthanhnak a um rih lo. Tuzingah suimilam 10:oo ah kanpu nih a kan chawnh i koika ah dah kan zaam hnga tiah a van kan hal. zaam hau lo kan ti i kan zaam lo ah cun kan inn pawng ah an i kap caah tihnung a si a ti. Hakha zong thingpang in an um ko cang.
Mah Hakha an i kah hlan ah hin Tita le Hakha karlakah kahnak a chuak cang. suimilam 2:00 leng a ruah hnu ah Hakha ah kahnak a chuah hi a si. mipi zaamnak hmun an kawl cio caah thinphang in an um cio tiah mi pakhat sin in kan theih.Cre- pahmun
Relchap: Kayah ramkulh ,Loikaw peng Loi Lyin Lay khua nichuah lei um mi Kone Suot le Kyot Kyi khua kar ah hmunhma a la mi rallokap le Karenni ralkap hna kar ah kahdohnak a um i rallokap minung 7 an thi minung 10 leng hliam an tuar tiah KPDF nih an thanh.
Rallokap Tat- Mah 55 thazaang 100 hrawng cu Kayah ramkulh ,Loikaw peng Loi Lyin Lay khua nichuah lei Kone Suot le Kyot Kyi khua kar ah hmunhma an lak ruang ah kahdohnak a chuah hi a si.
August 23 ni zong ah khua chung ah rallokap hna cu an phan i khuachung inn le lo hna cu an bauh i khuapawng kam lo hna ah aa dor mi hna zong an tuk an velh hna tiah ca thanh chung ah aa tel.
Kayah ramkulh ah a cang mi kahdohnak ruang ah Loi Lyin myo hmailei um khuami mipi 8000 leng cu a himnak hmun ah an zaam dih i tuni tiang in khua chung an lut ngam rih lo.
Loikaw peng hrawng cu rallokap hna hmunhma an rak khuar caah Covid mizaw hna tel in minung 2000 leng an umnak hmun cu kahdohnak ruang ah hmundang ah i thial than ding dir hmun ah an um tiah theih a si.
Mah leng ah tulio Loikaw lei kal nak lam cu an phih ruang h mizaw hna caah sii cawk nak a har bantukin ralzaam hna caah eidin lei aj har nak an tong tiang ralzaam um nak hmun ah mizaw a zoh khenh tu siibawi pakhat nih a chim.
“Tuni thawng kan theih nak ahcun rallokap hna nih Loikaw luhnak hna cu an phih dih tiah theih a si.An phih tik ah a poi bik nak cu Covid chek nak kan tuah. Zing ah voikhat zan ah voikhat PPE level 3 he kan lut.Mah ah cun level 3 cu duh sah tein a tlawm deuh deuh. Cun Cumpi le khuh in a zaw mi hna cu sii kan pek hna .Sii zong duhsah tein a dih thluahmah. Sii cah ding te te zong kan ngei. Loikaw ah cun kan herh mi sii zong hi a um ti lo.Yangon le Tuangkyi hna ah cah ding an si. Kahdoh nak a um i lam an phih dih caah caan a sau deuh deuh Kan har deudeuh tiah a chim.
Ralzam umnak hmun ahhin Covid -19 mizaw minung 57 an um i siizung in a tum cang mi hi minung 7 an si tiah siibawi pa nih cun a chim.
Kaya ramkulh ah a cang mi kahdoh nak ruang ah Kayah ramkulh chung ah ralzaam minung 120000 leng an um i mah chung ah a cheukhat ralzaam an um nak hmun cu Covid – 19 zawtnak a chawn mi hna an um.#DVBnew
Leave a Reply