Breaking News: Falam Peng Rihkhawdar Ah Hngawng Tanpiak In Thah Nawnnak A Chuak

Falam peng Rihkhawdar khuapi 2020 November 3 zaanlei sang ah a min langhter duh lomi pa pakhat nih pakhat pa cu a hngawng a tanpiak tiah Rihkhawdar Palek Zung Lutlau U Tet Naing sin in thawng kan theih.

“Atu bantuk in thil a cang hi tuzaan lei ah a si. Zeiruang ahdah an i thah ti hi kan thei kho rih lo kan hlah cuahmah a si” tiah U Tet Naing nih The Hakha Post ah a chim.

Atu thah a tong mi hi a hngawng in aa tan i a taksa pum le a lu hi a dang veve ah an hmuh tiah theih a si.

Laknak: The Hakha Post

Thawngpang dang hi rak rel chih ko ……………………..

Salai Tin Maung Win nih a tial mi a si lai.

Politics ah ka soisel hlah uh ti cu a um bal lo
Politics luh cang ahcun a pakhat nak cu policy,a pa hnih nak cu nunning ziaza.Ziaza a that lo ahcun zumh awk a tlak le tlak lo pumpak (personal attack) doh a herh cang.Tulio politics thlihran zoh tikah soisel (criticize) hi kan celh bak rih lo.Celh lo ruang i nangmah tah miphun caah zeidah na tuah khawh timi comments pawl hi ka nih chuak bik.A ruang cu kawlram le chinram ah minung pathum te lawng i ukter i thanchonak kan tuah lai ti tiang lawng an cuanh khawh mi khi a si.Thanchonak cu mipi kan zate rian a si.
Miphun dawtnak kong chim paoh ah kawl huat (racist) thlaici an tuh an ti.Kei cu miphun dawtnak kong ka tial ahcun lung thiang tein a si ko..Huatnak biafang ka hman zong ka thei lo hih.Miphun kong chim poah ah Racist tiah a ruat mi a lungthin tu ahkhan racist asiloah chungthu lengnal hnawm a um caah a rak si deuh lai tiah ka ruah cang ko.
An rian tuannak kong soisel ah le thangchiat an ti than.A dik lo mi cu soisel ding bak a si.Jesuh zong nih a dik lo mi cu “Mi depde hna,chungthu lengnal hna” tiah a soisel bak ko hna.. Dr.Ngun Cung Lian sinah kawl media nih interview an in tuah tikah ho mithmai zong na zoh lo mi hna hi a tha ngai ka ti.Mi mithmai zoh ding ahcun an sal kan si lo.An rawl kan ei lo.Kan rawl kan ei.Kan chim duh mi poah cu chim awk a si ko lo maw a ka ti.
Mithmai kan i zoh tuk nak ah lam tantim tiang lawng,lamthluan dongh pi tiang kan phan kho tawn lo.Politics luh cang ahcun soisel te hna cu tih ding zong a um lo.I fahsak ding um lo. A dik mi cu tanh ding, a dik lo tiah ruahmi cu soisel ding a si ko. Politics a lut mi nih ka soisel hlah uh ti cu ka theih bal lo mi a si.