Breaking News: Falam Ah COVID-19 Mizaw Pakhat Hmuh

Falam ah COVID-19 Positive mizaw thar pakhat hmuh a si tiah kan theih.

Atu zawtnak hmuh mi hi Kalay in Kuak zuar ah Laitlang a rak ra mi a si i, 2020 November 9 suimilaam 5:30PM ah a phan i chek gate in an cheknak ah atu bantuk in zawtnak an hmuh hi a si.

Zawtnak hmuh a si le cangka in Falam sii-inn ah an chiah i amah he motor aa citmi a hawipa cu Lungpi FQ ah an chiah tiah theih a si.

Photo/ Saya Timmy; Source: The Hakha Post

Thawngpang dang hi rak rel chih ko: 2020 Myanmar Ram Pumpi Thimnak Result Thei Chom Mi Cheukhat-1

Mon Ramkulh chung ah New Mon State Party candidate 9 nih teinak an hmuh. Teinak an hmuhnak hmun pawl cu; Ye Peng Amyotha Hluttaw thutdan 2, Pyithu Hluttaw thutdan 1, Pyine Hluttaw thutdan 2 teinak an hmuh. Cun, Mudung ah Pyine Hluttaw, Chaungsone ah Pyine Hluttaw le Kyeikmayaw ah Pyine Hluttaw ah teinak an hmuh.

Kachin Ramkulh, Moekaung Pengkomh, Moekaung khua, Hluttaw hmunhma a pathum ning tein NLD candidate nih teinak an hmuh. Moekaung ah meezung 70 an um mi meezung 54 ah NLD nih mincim tlangcim in a tei hna. Moekaung Peng ah mee petu 103,253 a si i, party pariat in candidate minung 56 an i zuam. 2015 kum lio ah NLD nih teinak a rak hmuh thingnak peng a rak si.

Bago Ramthen, Amyotha Hluttaw Meekuanghmun No. 5, Nyaungpyinlay Peng, in aa zuam mi Pyidaugnsu Bawmchanhnak Minister Zung Pyidaungsu Minister Dr. Win Myat Aye nih teinak a hmuh. Nyaungpyinlay Peng ah aa zuam mi NLD Party candidate dang zong nih teinak an hmuh i, Nyaungpyinlay Peng ah NLD nih mincim tlangcim in teinak an hmuh.

Myanmar ram Ruahnakpetu Daw Aung San Kyi aa zuamnak, Yangon Ramthen, Kawhmu Peng ah NLD candidate nih teinak an hmuh dih. Kawhmu Peng ah, Pyithu Hluttaw thutdan, Amyotha Hluttaw thutdan, Ramthen Hluttaw thutdan, Karen Miphun Aiawhtu thutdan le Rakhine Miphun Aiawhtu thutdan a um i, cu vialte cu, NLD nih teinak a hmuh dih.

Source: DVC