Breaking News: CNA Ralkap Pakhat A Nunnak A Liam

A poi tuk hringhran ko mu. Ram le miphun caah tiin rawltam tihal tuar in miphun caah a nunnak thap tiang in pumpek nak a ngei mi Salai Thang Bu nih tektlak nak ruang ah a nunnak an kan liam taak ko cu ngaih a chia hringhran ko mu. CNA ralkap a si mi Salai Thang Bu a thihnak kong he pehtlai in Chin World thawngzamh nih Kawl ca in an rak tial ning cu a tanglei bantuk hin a si.

Chin National Army pakhat cu tektlak nak ruang ah a nunnak a liam. Chin National Army (CNA) ralkap a si mi ttat-mah 2, battalian 5 ah ralkap a tuan lio mi ralkap Salai Thang Bu cu 2020/October/6 zanlei suimilam 3 pm ah khan tektlak nak ruangah a nunnak a liam tiin CNF thawngzamh nih thawngthanh nak an tuah mi hmangin thawng theih a si” tiin Chin World thawngzamh nih Kawlca in an tial hi a si.

Hi bantuk in ram le miphun dawtnak he miphun caah a nunnak pek in rian a tuan lio mi nih an kan liam taak ko cu lung a nuam hrim lo.

A thlarau tu daihnak he i din ko ne seh mu, miphun le ram dawtnak he rian a tuan mi cung ah upat nak zong kan pek i a tuan cia mi Chin miphun le ram caah lungrual nak le miphun dawtnak lungthin an kan ngeih ter kho tu si hram ko seh.

Ngaihchiat nak hrawmpi nak he…..

Source: Chin World (Burmese-Hakha)