Breaking News: Chinram Ah Ralhrang Helicopter A Rak Zuang Than

Breaking News: Chinram Ah Ralhrang Helicopter A Rak Zuang Than

Breaking News
============
Chin ramkulh Hakha ah SAC ralkap Helicopter pakhat cu nihin April 21 zing suimilam 11:05 ah a phan i Rungtlang lei ah a kal, tiah theih a si!

Relchap>>>Myanmar ram ah vanlawng datsi zuarh ti lo ding in Burma Campaign UK nih, UK Company 5 a simi UK P&I, Steamship Mutual, Britannia P&I, North Standard, Shipowners Club Company hna cu April 20, ah nawlnak an tuah hna, tiah theih a si.

Myanmar ram vanlawng datsi zuarhnak ah UK Company 5 hi teltumnak an ngei, tiah ramkip zalonnak phu nih Deadly Cargo ah an langhter.

“Myanmar ram ah valawng datsi a zuartu Company paoh cu Myanmar rammi vanlawng in a thattu hna he rian a ṭuanṭimi tluk an si caah an ngol ding a si,” tiah Burma Campaign UK phu in Director nih a chim.

SAC nih nawlngeihnak an laak hnu ah vanlawng in kahdohnak an tuah ruang ah siikhan, sianginn, biakinn, tualchung mi inn hna le ralhrial camp hna zong an rawk, tiah theih a si.

April 11, lio zong ah Sagaing ramṭhen, Pazigyi khua cu SAC ralkap vanlawng nih an kah caah tualchung mi 170 leng an nunnak a rak liam i, April 20 zong ah Htinlin peng mizapi ukhruainak phu an zung zong SAC ralkap nih vanlawng in bomb an thlak ruang ah mi 4 an nunnak a liam, 12 hliamhma an pu i 1 a tlau, tiah theih a si.

SAC nih nawlngeihnak an laak hnu 2021 March thla in 2023 April 4 tiang SAC ralkap nih vanlawng in voi 335 kahdohnak an tuah, tiah Myanmar Peace Monitor nih an langhter.Crd.. TCP