Breaking News: Chin Ramkulh Cozah Nih Hmawngtlang Khua Thlang Lam Cawh A Timh Mi Hmawngtlang Khuami Nih An Kham Hna

Chin Ramkulh Cozah lamsul lei Minister hruainak in Hmawngtlang khua thlang ah lam(pa-lah-kah lamthing) lam a thar in cawh than ding mi cu May 5 ah Lan-thu (10) nih cawh an timh i Hmawngtlang khuami nih cawh lo ding in an kham hna tiah thawng kan theih.

Hi lam cawh ding mi cu 2019-2020 tangka kum ah Myanmar ram Cozah nih Ramkulh Budget in cawh ding in a hnatlak pi cang mi a si i Hmawngtlang khuami nih duh lonak ca an rak tial ca ah an thawk kho lo. Cu kong ah Lautu, Mara, Zotung le Zophei Mino hna nih cu lam cu cawh than ding in Cozah sin ah ca an tial ve ca ah Cozah lei nih lam cawh an i thawh than i atu bantuk an rak kham hna hi a si tiah kan theih.

Hi lam kong he pehtlai in Lautu, Mara, Zotung, Zophei Mino hruaitu Pa Lian nih, “Hi lam hi Lautu, Mara, Zotung, Zophei ca ah a biapi taktak mi lam a si. Cu lawng hmanh si lo in Paletwa lei tiang ca zong ah a tha hnem mi lam a si. Lautu, Mara, Zotung, Zophei kan pale tampi nih zapi ca ah a tha lai ti in hmun 4 hi Cozah sin ah an rak hal. Cu chung in hmun 2 hi budget pek kan si cang. Tisen le Palang tiva kar cu 75% an lim cang. Hi lam an hal mi hi Hmawngtlang khua an huat ruang ah si lo in zapi ca ah a tha hnem lai ti in an hal mi a si ca ah Mino zong nih biatak tein kan dirpi. Cucaah Chin Ramkulh Chief Minister sin ah lam cawhpiak ding le security lakpiak ding in kan hal. Asinain lam cawh thawk an timh tik ah Cozah lei nih Security lakpiak a um lo,” tiah DVC ah a chim.

Hmawngtlang khuami nih hi lam cawh ding an duh lonak a ruang cu leikuang le dum a rawk lai tiah duh lonak ca Cozah sin ah an rak tial. Cu kong ah Lautu, Mara, Zophei lam committee nih Cozah sin ah ca an rak tial than i Cozah lei nih chekhlatnak an tuah. Cu chekhlatnak an tuah mi ah Leikuang a rawk ding a um lo. Tilu hor tuah ding zong ah Leikuang a hnursuan ding mi a um lo tiah an hmuh.

Hi lam cawh nak ah Lautu, Mara, Zotung, Zophei aiawh in a kal mi mino pakhat nih, “ Lam cawhnak hmunhma kan phanh hlan ah lampialnak in an kan bawh i nan kal kho lo an kan ti. Hi lam cu Hmawngtlang khuami kan thih dih hnu lawng ah nan cawh khawh lai an kan ti. Mino lei nih a thatnak in kan chimh hna nain a tlamtlin lo ca ah kan kir than,” tiah DVC ah a chim.
Lautu, Mara, Zotung, Zophei Mino le lam committee aiawh in minung 10 an kal i Hmawngtlang khuami nih an kham hna ca ah an kir than. Lam cawhnak ding ah hri zam aa tim mi Lan-thu-10 zong an kir than ve tiah kan theih.

Hi lam cawh nakding ah Cozah lei nih budget sing 2800 leng a pek cang mi a si i tangka kum a cheu a luan cang ca ah hi lam a rannak in an thawk lo ahcun budget khirh than a si lai tiah Cozah lei tuanvo ngeitu sin in thawng kan theih.

Video

Chin Ramkulh Cozah nih Hmawngtlang khua thlang lam cawh a timh mi Hmawngtlang khuami nih an kham hna===========================================================Chin Ramkulh Cozah Lamsuul lei Minister hruainak in Hmawngtlang khua thlang ah lam (Pa-la-ka lamthing) lam a thar in cawh than ding mi cu May 5 ah Lan-thu 10 nih cawh an timh i Hmawngtlang khuami nih cawh lo ding in an kham hna, tiah thawng kan theih. Hi lam cawh ding mi cu 2019-2020 tangka kum ah Myanmar ram Cozah nih Ramkulh Budget in cawh ding in a hnatlakpi cang mi a si. Hmawngtlang khuami nih duhlonak ca an tial ca ah an thawk kho lo. Cu kong ah Lautu, Mara, Zotung le Zophei Mino hna nih, cu lam cu cawh than ding in Cozah sin ah ca an tial ve. Cucaah Cozah lei nih lam cawh an i thawh than i hi bantuk im an rak kham hna hi a si, tiah kan theih.Hi lam kong he pehtlai in Lautu, Mara, Zotung le Zophei Mino hruaitu Pa Lian nih, “Hi lam hi Lautu, Mara, Zotung le Zophei ca ah a biapi taktak mi lam a si. Cu lawng hmanh si lo in Paletwa lei tiang ca zong ah a thahnem mi lam a si. Lautu, Mara, Zotung le Zophei kan pale tampi nih zapi ca ah a tha lai, ti in hmun 4 hi Cozah sin ah an rak hal. Cu chung ah hmun 2 hi budget pek kan si cang. Tisen le Palang tiva kar cu zatuak 75 an lim cang. Hi lam an hal mi hi Hmawngtlang khua an huat ruang ah si lo in zapi ca ah a thahnem lai, ti in an hal mi a si ca ah Mino zong nih biatak tein kan dirpi. Cucaah Chin Ramkulh Cozah Chief Minister sin ah lam cawhpiak ding le security lakpiak ding in kan hal. Asinain lam cawh thawk an timh tik ah Cozah lei nih Security lakpiak a um lo,” tiah DVC ah a chim. Hmawngtlang khuami nih hi lam cawh ding an duhlonak a ruang cu leikuang le dum a rawk lai, tiah duhlonak ca Cozah sin ah an tial. Cu kong ah Lautu, Mara le Zophei lam committee nih Cozah sin ah ca an tial than i Cozah lei nih chekhlatnak an tuah. Cu chekhlatnak an tuah mi ah Leikuang a rawk ding a um lo. Tilu hor tuah ding zong ah Leikuang a hnursuan ding mi a um lo, tiah an hmuh.Hi lam cawhnak ah Lautu, Mara, Zotung le Zophei aiawh in a kal mi mino pakhat nih, “Lam cawhnak hmunhma kan phanh hlan ah lampialnak in an kan bawh. Nan kal kho lo an kan ti. Hi lam cu Hmawngtlang khuami kan thih dih hnu lawng ah nan cawh khawh lai, an kan ti. Mino lei nih a thatnak in kan chimh hna nain a tlamtlin lo ca ah kan kir than,” tiah DVC ah a chim. Lautu, Mara, Zotung, Zophei Mino le lam committee aiawh in minung 10 an kal i Hmawngtlang khuami nih an kham hna ca ah an kir than. Lam cawh nakding ah hri zam aa tim mi Lan-thu-10 zong an kir than ve tiah kan theih. Hi lam cawh nakding ah Cozah lei nih budget tangka Kyat sing 2,800 leng a pek cang mi a si i tangka kum a cheu a luan cang ca ah hi lam cu rianrang tein thawk lo ahcun budget khirh than ding a si, tiah Cozah lei tuanvo ngeitu sin in thawng kan theih.

Posted by Democratic Voice of Chin-DVC on Tuesday, 5 May 2020

 794 total views,  1 views today

This function has been disabled for Chin 11 News.