Breaking News: Chin Ramkulh Ah Xmas Le Kumthar Tuah Lo Ding In Cathanh An Chuah

Vawlei cung khrihfa biakte hna nih kan sunsak ngai mi Jesus chuah ni le caan ah kan hman tawn lengmang mi December 25 (Xmas) Ni sunglawi cu pulrai zawtnak ruang ah hman khawhdawh kan si hna lo. Xmass lawng hmanh si loin Kumthar puai sunglawi kan ngeih tawn mi hna zong kha hman khawh dawh kan si ti hna lo.

Chin ramkulh chung ah Xmass le Kumthar hman nak kong he pehtlai in cathanh an chuah mi cu “25/12/2020 ni ah hman ding in timh tuah mi Xmas puai le 31/12/2020 ah hman ding mi Kumhlun thlah in Kumthar donnak puai cu Biakinn le Sianginn tibantuk ah a tuah mi nih minung 50 nak tam in puaituah lo ding ah thawngthanh nan si” (Xmas le Kumthar puai ah minung 50 nak tamdeuh hmunkhat ah um loding a si caah Xmas le Kumthar tuah lo ding ti he akhat ko).

Xmas thla chung ah mibu ning in inn kip ah kal in hlasak nak le thlacam nak ngeih (carol) lo dingin thawngthanh nan si bantuk in Church ah thlacam nak te nan tuah zong ah Covid-19 runven nak ah zulhphung vialte zulh khawh dih nan I zuam lai (hand wash, mask wearing, social distancing) ti bantuk kha felfai tein zulh khawh dih nan I zuam lai.

Hi bantuk in kumkhat ah voikhat kan I hngahhlang taktak mi ni sunglawi le caan sunglawi hna zong hmang kho lo ding dirhmun kan phak hi cu a poi tuk hringhran. Pulrai zawtnak ruang ah tukum cu cawlcang kho lo in kan um ko hna.