Breaking News: Chin Ram Meikangh Nakin Nu Pakhat A Khangh Chih I A Nunnak A Liam

Apoi tuk hringhran ko e. Tidim myoh chung ah nizan April 8 ah khan Tidim myoh chung i 19 Road sang/veng ah a um mi nu cu rawlchumh nak ah thing ka phur lai tiah thingchung a kal nak ah thingram meikang nih a rak kangh chih caah a nunnak a liam tiah theih a si.

Hi kong he pehtlai in Tidim myoh chung ah a um mi pakhat nih a chim ning ah cun “Tidim myoh chung, 19 Road sang/veng ah a um mi Nu Da Cing cu zanriah chumh nak ding ah innpawng thingchung ah thing phurh ding in a kal i inn ah a rak tlung than ti lo. Cu ruang ah chungkhar pawl hna cu thinphang le khuaruah har in an um cang hna caah an va kawl tikah cun meikangh nakin a rak thih ko kha an hmuh hi a si” tiah a chim.

Tidim myoh hi electric le gas in rawl chumh nak an ngeih ve rih lo caah thing in rawl a chum mi an si ve hna i rawl chumh nak ah hin ramlak chung ah thing a phur lengmang mi an si hna. Hi meikangh nak ruang ah hin Tidim tupi hnawmg pawl a hrawh dih lawng hmanh si loin ramsa pawl hna zong a thah ngai cang hna caah Tidim ramkulh chung ah meikhang nak le duh poah in am duah/kangh hmang ti lo ding in thawngthanh nak zong an tuah cang hi a si.

Ref: Chin World

 165 total views,  2 views today

This function has been disabled for Chin 11 News.