Breaking News: Aung San Suh Kyi Cu Covid-19 Kong Ah Zulhphun A Buar Mi Ruangah Dantat Dingin Report An Tuah Cang

NLD party caah cun thawngpang chia taktak a si. Cun dantat nak an tuah lo a si ah cun ningzak tuk zong an si rih fawn lai. NLD party ah president a si a si mi Daw Aung San Suh Kyi cu 19/08/2020 ah khan NLD party chungtel pawl hna he ton biaruah nak an rak ngei hna.

Cu ton biaruah nak an ngeih mi ah cun Kawlram chung ngandam nak lei zung hna le tuanvo ngeitu hna nih Covid-19 runven nak caah le ngandam nak caah tiin zulhphung an ser mi, minung 30 nak tam deuh hmunkhat ah nan um lai lo tiah zulhphung an ser mi cu zeirel lo le zulh duh loin a um i minung 30 nak tam he ton biaruah nak a ngeih mi ruah ah report an tuah hi a si.

Hi bantuk in ram pumpi caah zulhphung a buar mi le zeirel loin a um mi hi tuanvo ngeitu hna nih a rannak in dantat nak nan kan ngeih piak nak lai report kan rak tuah hi a si tiah zong an langhter chih fawn.

A taktak ti ah cun hi bantuk ruang ah Rev. David Lah kha an tleih i fak ngai in an soisel nak zong kha a si caah zulhphung a buar ve bak ko mi Daw Suh cungah dantat nak an tuah lo a si ah cun zeitluk in dah an riantuan nak hi a dingfel mi a si lo ti cu a lang cawlh ko lai.

 137 total views,  1 views today

This function has been disabled for Chin 11 News.