Breaking New: Chin Ram Ah Hngakchia Kum 6 Mi Covid-19 Positive An Hmuh

Kawlram ngandam nak lei lutlai hna nih tuzing July 9, 2020, zinglei suimilam 8: 00 (Myanmar Time) ah thawngthanh nak an tuah mi ah Covid-19 mizaw pakhat kan hmuh chap mi a um than I positive mi hna hi an dihlak in 318 an si cang hna tiah thawngzamh an rak tial.

Cun tuzing ah mizaw thar, Covid-19 positive a si ko tiah an fehter mi hi Chin ram chung, Tonzang peng ah a si I India in a rak tlung mi hngakchia (kum 6) mi a si tiah an langhter. Cun hi mizaw hi Tidim Zato ah an chiah lio a si tiah an langhter chap.

Nihin tiang ah Kawlram chung Covid-19 mizaw dihlak hi 318 an si cang I cu chung ah a thi cang mi hna hi 6 an si. Cun damnak a hmu than cang mi hna le adam cang tiah an fehter bak mi hna hi minung 250 zong an si ve cang tiah an rak langhter.

Source: Chinland Today Media

 254 total views,  1 views today

This function has been disabled for Chin 11 News.