Breaking: Hakha Ah COVID-19 Zawtnak Aa Chawnh Mi Pakhat An Hmuh

Pulrai zawtnak nih a tlak mi Hakha ah hmuh a si caah ralrin chin lengmang kan hau ko cang. Hi pulrai zawtnak nih a tlak mi zong hi damnak a hmuh than khawh nak hnga ding ah thlacam nak in bawm cio hna usih.

Hi thawngpang he pehtlai in thawngpang a rak tial hmasat tu hi Democratic Voice of Chin-DVC an si I a thanglei ah hin an rak tial ning te cu a si.

“Hakha အိမ်တွင်းမှု ah khunherh mi pakhat cu COVID-19 zawtnak hrik aa chawnh tiah Hakha GAD nih a thanh.

Hi zawtnak aa chawnh mi hi Yangon in a kir mi a si I Hakha a phanh cangka in Facility Quarantine ah an chiah mi a si. Amah he aa tong mi le aa pehtlai mi zong Khumherh an si tiah an thanh chih” tiin Democratic Voice of Chin-DVC nih cun thawngthanh nak an rak tuah hi a si.

Source: Democratic Voice of Chin-DVC

++++++++++

Thawngpang dang hi rak rel chih ko. 

Salai Tin Maung Win: Lam Thar A Zul Mi CNLD Le Mi Lam Sialcia A Zulmi Party
============================================
Paul biaceih zungah bia an hal lio ah “keimah cu lam thar a zul mi ka si a ti”. Biaknak lawng hlah!Politics zongah,dothlennak zongah pianthar a herh.A piangthar mi cu Lam Thar a zulmi an si.
Lam hlun miphun dang nih sialcia mi lawng zulh a duhmi hna nih campaign an tuah i an biachiam khi…cozah a ser kho ding NLD party ah kan i fonh ahcun an ti. Kha vial ahkhan an lungthin a thutnak (corrupt) rim theih khawh a si.Miphun dang aa bochan tuk mi hna kha Pathian ai bochan tuk an hei ti rih hna.Paul nih “Krih thawng in zeizong te ka tuah khawh” a timi he cun aa kalh taktak.
Kan miphun covo vialte ngah thannak ding caah dinfel nakin kan i zuam lai. Miphun tlingah Pathian nih sermi kan si caah kan miphun covo cu ni nikhat ahcun kan ngah hrimhrim lai.Kan tuah khawh,kan ti khawh,kan ngah lai timi Krih Lungput kha CNLD nih aa tlaih mi cu a si.Zanriah voikhat hnih caah ngasa hleh nakin mah tein sur vorh khawhnak nawl ngeih kan duh deuh.Bawmtu sinak in bawmhmi si na duh deuh ahcun Suu Kyi kha a luri lakin hal lengmang ko.A ngeih lo tiang a tiltawt tal cu an char ter ko lai.
Tulio kan dirhmun ah department kip i officers nawl ngeitu tam deuh cu kawl miphun dang an si.CNLD nih teinak an ngah ahcun Chin ram i department kip i officer cu kanmah Chin miphun lawng nih tlaih dingah hma an lak te lai. Hi nih kan ram thanchonak rian tuannak ah tampi a bawmh te lai. Hi pakhat te lawng ruah hmanh ah CNLD hi vote ding bak a si. Naite kan fanu ruak vuinak kongah kan tonmi thil nih a langhter cang. Vote for CNLD 2020!