Brazil Ram Cu Chawhleh Nak Maw Biapi Deuh Nunnak Tiah An Au Cang

Brazil ram hi tulio ah cun khuaruah har in a thi mi an tam nak hmun a si ve. Hi tluk in a thi mi le positive case thar an tamĀ  lio ah an ram President nih cun lockdown le stay at home kong ah zeihmanh a chim duh lo. Hi tluk in a thi mi an tam ko zong ah ai theih ter duh bak lo tiah mipi nih an soisel tuk cang.

Cun Brazil President Bolsonaro nih cun tulio pulrai zawtnak tihnung taktak a si mi Coronavirus hi tlangrai zawtnak sawhsawh bantuk a si ko tiah a rak chim. Cu ruang ah tlangrai zawtnak sawhsawh bantuk in an ram mipi dihlak nih an zoh ve ruang ah mipi a thi mi an tamtuk cang nak hi a si.

Nihin tiangah Brazil ram I Covid-19 in a thi mi hna hi 10,627 lengkai an si cang hna I 155,939 hi confirm cases an si cang hna. Cun Brazil siibawi thiamsang minthang nih an zumh ning ah cun a tu nak in let 20 in a thi mi kan tam rih lai tiah zong an chim.

Hi tluk in a thi mi le confirm cases an tam lio ah President Bolsonaro nih cun Stay At Home le lockdown kong ah zeihmanh a chim duh bak lo I a herh lo tiah a chim. Suimilam 24 chung ah 10,611 hi confirm cases an si I a thi mi hi 730 an si tiah an langhter.

Source: RALTHUAM & TUNLAI KHAWVEL

 245 total views,  1 views today

This function has been disabled for Chin 11 News.