Bomb An Thlak Tikah Zaam Nak Ding Bomb Khur Aa Cawh Lomi Poh Cu Dantat Nan Si Lai, Mipi Nan Him Nak Ding A Si

Bomb An Thlak Tikah Zaam Nak Ding Bomb Khur Aa Cawh Lomi Poh Cu Dantat Nan Si Lai, Mipi Nan Him Nak Ding A Si

Chin ramkulh, Mindat pengchung ah ummi mipi hna nih rikhiahmi ni le caan a phak hlan ah a rannak in bomb khur nan i cawh dih lai, nawl a zullomi cu dantat nan si lai, tiah CDF-Mindat nih April ni 14 ah thanhca an chuah.

Mindat khuapi hrambunh SAC ralhrang sakhan in a tu le tu khuate lei ah duhpaoh in hriamngan an kah pin ah cunglei in SAC ralhrang nih a tu le tu bomb an thlak hna caah a tubantuk in CDF-Mindat nih mipi hna himnak ding caah tiin nawl an chuah hi a si.

Cuhlan ahcun khur i cawh cio ding in ralrinnak an pek hna nain a tuahtu an tlawmtuk tiah, an thanhca chuahmi chung ah an langhter chih.

March thla chung ah Mindat khuapi hrambunh SAC ralhrang Lah-khah-yiah 274 Battalion nih khuate cheukhat hna cu hriamngan in voi 26 an kah hna pin ah cunglei in SAC ralhrang nih voi 8 tiang a kah. Mindat ramcung ah voi 17 vanlawng an zuanter, tiah an langhter.

February thla chung zong ah Mindat khuapi hrambunh SAC ralhrang Lah-khah-yiah 274 Battalion nih khuate hna ah hriamngan in voi 23 an kah pin ah voi 4 tiang cunglei in ngiatthlainak an tuah, rtiah Chinland Defence Force – Mindat nih thanhca an chuah.
#CDF-Mindat
#Hmanthlak:The Mindat Post Crd… Lungmali Post