Bollywood Actor Sushant Singh Thihnak Kong Cu CBI Kut Ah An Chiah Cang

Nizan August ni 5 ah khan Bihar cozah nih bollywood actor sushant singh thihnak kongah CBI nih dothlat hna seh tiah center cozaah a hal mi cu an lung a tling. Hi kongah hin CBI official nih biatak tein hma an lak ve lai i, special term cu patla ah an kal lai i hi thihnak kongah thil dangdang a sikho tiah an ruah mi paoh cu tlamtling tein an dothlat lai tiah an chim.

August ni 4 ah khan Bihar chief minister nih i hi thihnak kong ah CBI hrimhrim nih hi thihnak kong hi dothlat hna seh tiah a chim mi cu an lung a tling. HI thihnak kongah Sushant Singh Pa KK Singh zong CBI i an dothlat ding hi a lung a tling ve.

Ahea Chakraborty alawyer pa nih cun hi thihnak kong ah Bihar Cozah nih CBI an rawih hna hi a rem ati lo nak kong a chim. Maharashtra Chief Minister nihcun hi thihnak kongah CBI an i tel hi cu a lung a tling lem lo. Kum 5 chung mah te ai that mi voi zeizat dah CBI an dothlat ter cang hna, hi thihnak kongah hin ziah, CBI nih dothlat hnaseh tiah an ti nolh.

Hi thil hi Maharashtra Chief Minister nih cun politics kong dih asi tiah achim. Kan nih cu Maharashtra State Mumbai police lei ah kan ttang peng lai tiah a chim.

 

Mumbai home Minister nih cun Bihar police nih an dothlat cuahmah i, Mumbai police zong nih an si khawh chung in an dothlat cuahmah ve i, thil sining taktak an hmuh ko lai tiah a chim.

Bihar IPS officer cu hi thihnak kong case dothlat ding in, Mumbai ah a kal i ni 14 chung an rak quarantine, hi kong ah hin Sushant Singh pa KK singh lawyer pa nih cun, hi bantuk case dothlat ding i a kal mi an quarantine bal hna zong ka thei bal lo tiah a chim. Hi thil hi a caan rauh ter an duh ruang ah a si i, hi caah hin CBI i hi case bia tak te i hlathlai hi a herh khun tiah a chim.

 127 total views,  1 views today

This function has been disabled for Chin 11 News.