Bochan Mi Kanpa Pakhat JP Biak Tin Sang Nih Salai Lungthli Tum Kong A Tial Mi Hi A Mak Ngai Ve

By JP Biak Tin SangĀ 

Kan CHIN mino faanau hna lak ah bochan awk, cawihler awk le bomhchanh awk tlaak hrim taktak in ka ruahmi ah Salai Lungthli Tum hi aa tel. Hi pa hi mino te a si rih a ruahnak tete hi a thuk i a kau in ka hmuh. A ca ttial hi a cancan ah ninghngal bantuk in mi a tthua pah tiah ruah awk tete a um na in a lungthin a thiang in ka hmuh. Hlanlio a sican ning le fimnaak a kawl ning, ningzahnaak le harnak phun zakip a ton ning te hna

zong ningzak bak lo in ai chim tik ah upat awktlaak, bochan awktlaak pasal ttha hrimhrim ah aa chuah te lai ka ti. Lung re theih a tongmi kan Chinmi hna a bomh tawn ning hna le

Chin mino hna an i lomhnaak ah lentecelh lei a tuah piak mi tete hna zoh tik ah duh a nung tuk. A bik in a tu lio mihar a bomh ning hna ruah tik ah lomhpi lo awk a ttha lo. Western in tangka kuat khawhnaak ah khua te tiang in a tuahmi hna hi a ttha tuk hringhran. A mah tangka hmuh khawhnaak pei a si cu ti hrimhrim hlah u sih.

Salai Lungthli Tum a dam i, mi lianngan le mirum taktak ah aa chuah i CHIN miphun chung in miropui taktak a simi pakhat ah aa chuah khawhnaak hnga thlacamnaak in bomh tlaak hrimhrim a si , bawm cio ko hna usih !!!!!!!

 244 total views,  1 views today

This function has been disabled for Chin 11 News.