Bochan Awk Tlak Nusal Tha! Min Aung Hlaing SAC Nih Taza An Ka Cuai Hi A Sunglawi Tuk!

Milley Sui nih a sining fiang tein a van langhter cang! Upat loawk a tha lo. A thinlungput hi a mak kho taktak si. Pathian aa bochanmi hna thinlungput hi cu a mak tuk eh, uar lo awk bak an rak tha lo. Laimi nih bochanmi Nusal tha tatkak a si.

A mah nih hi tihin a chim “SAC nih MWD ah taza a kan cuainak kong a phuan hi a sunglawi tuk. Tleihdingin warrant a kan chuah nain a tucu tazacuai ka si cang” tiah a chim.

A bia a pehthanmi cu “A hram thawk tein zeipoh tongngam dingin le nunnak thap in kaa ot caah ka zeihmanh a poi lo. Kan Chinland chuahtak le tliktak kaa tim lo” tiah a ti.

“A donghtiang teinak kan hmuh hlan tiang Pathian umpi lamhruainak bochan buin ka kal lai i, keimah ruangah lungrethei in a ummi ka chungkhar le dawtu vialte hna nan ngeih chia hlah uh, Pathian nih a kan umpi ko” tiah a chim hi.

Nungak Milleysui thinlungput hi nan hmuh cio ko lai. Zeitluk in dah a ralthat, A nih cu kan ram chuhtak aa timbak lo tiah hmuh khawh si. Chimram tliktak kaa tim lo, a ti caah a fiangmi cu atu hi Min Aung Hlaing SAC cozah hi a dih donghtiang doh aa tim mi a nun ah hmuh khawh a si. Bawipa nih a timhtuahmi ah teinak pehram seh.