BLM Pawl Nih An Hrawh Cuahmah Mi Paraltha Hna Milem Kong Ah President Trump Nih Nawlthar A Chuah

US ramchung ah tuanbia ngei a si mi hna milem an ser mi pawl BLM pawl nih an hrawh cuahmah mi hna ruang ah kan ram nih kanmah tein a ngan tuk mi tuanbia hi a rawh dih hlan ah kan dirkamh le ka sersiam a herh caah US tuanbia ngeitu a si mi hna milem pawl caah pangpar dum pakhat nih kan tuahpiak hna lai tiah President Trump nih cun nawlthar a chuah hi a si.

President Trump nih a chim nak ah cun rianthar tuan ding in timhlamh mi tampi chung ah hi US ramchung tuanbia ngeitu hna milem hi a bikin tuanvo lak cawlh ding a si lai I ni 60 chung ah zeitluk tiang dah kan tuan manh cang timi zong mipi sinah thawng kan thanh than hna lai. Cun pa raltha hna milem an serchuah than ding mi hna pawl zong hi anmah muisam he ai lo bik in ser an si lai I zohdawh nak men le duhnung ngai in cun ka ser lai lo tiah zong a chim.

US ram chung ah May thla chung I Police kut in vunnak pa George Floyd a thih hnuin duhlo nak le lungtlin lonak langhter in lam a zawh mi hna pawl nih US ram tuanbia ngeitu pawl milem an ser mi cu an hrawh cuahmah hna. A bik in US ramchung ral lio I sal zuatnak chan lio ah pa raltha hna le zohchun tlak tiin tuanbia an ngeih ter mi hna pawl milem ko hi hrawh dih an I zuam hna.

Cun president Trump nih fak ngai in a chim rih mi Confederate symbol hi America nih kan ngeihchun mi kan ro thil bantuk a si tiah july 4 zalennak ni an tuah nak Mount Rushmore ah President Trump nih cun a chim hi a si.

Donald Trump orders creation of ‘national heroes’ garden

 178 total views,  1 views today

This function has been disabled for Chin 11 News.