BLM Pawl Cawlcangh Nak Nih US A Buaiter Chin Lengmang Nak Le Franklin Graham Thinphang In A Um Nak Thawngpang

Catialtu: Salai Lairamthang 

Hawile nan rel dingah sumilam pakhat chung ka tialmi a rawh dih caah mah thawngpang pahnih te hi zan ih lai ah kan dangh ta hna.

1.  Minak a ttanhmi, Black Lives Matters pawl nih US president hlun, George Washington, Andrew Jackson le Thomas Jackfersson milen le lungphun pawl cu pakhat hnu pakhat an hrawh cuahmah hna caah President Donald Trump nih National Guard a auh hna i, security a laakter hna. Black Livers Matters hruaitu pakhat a simi, Shaunking nih Jesuh Khrih milem zong kan hrawh ding a si ko tiah nizan ah a chim. Kum 100 renglo a rau cangmi tuanbia an phawh than caah minak le mirang ihuatnak a karh chin lai ti hi phan ciomi a si. “2020 election i democrats pawl nih teinak an co ahcun US rampi an hrawh lai ti ka phang” tiah Franklin Graham nih a Facebook ah a tial.

2. Obama President a tuan lio ah Donald Trump a bawmtu, US General Michael Flynn cu Russia palai a chonh ruangah Obama minung pawl nih FBI hmang in a sual an kawl i, taza an rak cuaimi a si. President Donald Trump nih Vice President tiang in a rak duhmi, afit ngaimgai mi a si. Asinain Mike Pence tu a thim than i, Michael Flynn cu national security advisor rian tu a pek. Obama minung FBI director James Comey le FBI minung pawl nih taza an cuai i, a sualnak an kawl lengmang nain biaceihtu nih biachahnak taktak an tuah khawh lo caah a ni a thawn lengmang. US Attorney General William Barr nih Michael Flynn tazacuainak cu tha tein a zohfel than hnu ah a sualnak a um lo caah tazacuai lo dingah nawl a chuah. AG Barr nih nawl a chuahi cu an lung a tlin lo caah Washingon D.C i, US Circuit Court of Appeal ah an kai than. Tuchun ah biaceihbawi minung pathum nih Michale Flynn cu a sualnak a um lo tiah bia an chah. Mah nih hin Obama a zirtiannak fiang ngai in a lannghter tiah ka ruah.

President Donald Trump nih tuchun ah Twitter ah a tialmi cu, ” FBI Director hlun, Jame Comey le mi hrokhrawl FBI police pawl nih Michael Flynn nan tuahtonak vialte cungah nawlnak nan tuah ding a si” tiah a tial.

 242 total views,  1 views today

This function has been disabled for Chin 11 News.