Billy Graham Fapa, Franklin Graham Zong A Lung A Dong Ruangmang Cang Mu!

Kum 2016, US thimnak lioah khan, Trump tling ding in biatak tein Mirang evangelical Khrihfa pawl a forhtu hna le a sawmtu hna cu Billy Graham fapa, Franklin Graham hi a si. Mahtluk in Trump a ttanhmi le a dirpitu le thla hehtiah a campiak tu hmanh nih Biden a tlingnak kong le a caah thlacampiak ding tiah a ttial i Trump caah ruahchannak a um a ti lo.

Mah cu Laipawl, Mizo pawl le Kawlram Khrihfa dang pawl nih nan i thawh riangmang i January ni 6 ah Trump nih teinak a hmuh lai, ruahchannak a tamtuk rih tiah nan ttial len rih cu. Zeitluk in dah thil nan theih lo i nan fim lo i, a dik lo a hman lo chim nan hmang ti a thei. Nan theihmi hrim a um lo. Mifim cathiam le khuaruat deuh, Trump ttanhtu hmanh nih nan ruah ning in an ruat ve lo, an chim ve lo.

Mitch McConnell hmanh nih Biden a lawmhpi cang i Biden le Harris an i zatnak kong a chim len. Trump ttanhtu, zei huaha thei lomi pawl nih nanmah le nanmah nan i nawnnok len rih ko hna. Mahtluk in san a tlai lomi le thil a thei lomi pawl cu Pathian nih zeitin dah nan thlacamnak zong cu a ngaih duh lai i/an leh duh hna lai i. Khrihfa ttha si le fim hi cawng ve cang u. Catilatu: Saya Van Tum